Пытартыш Кугече пайрем Иисуслан ойыртемалтше лийын. Иисус вашке кола манын пален, сандене шке апостолжо-влак дене кугече кас кочкышым эртараш да вара ий еда эртаралтшаш у пайремым, Шарнымаш касым, пурташ шонен пыштен. Тидлан Иисус Петр ден Иоаннлан пайремлымашлан пӧлемым ямдылаш кӱштен (Лк 22:7—13; 1-ше страницыште сӱретым ончыза). Мемнанат 27-ше мартыште шушаш Шарнымаш каслан ямде лиймына шуэш. Кугурак иза-влак ойлымаш дене лекше изам ӱжыт, символ-влакым да молым ямдылат. А ме Шарнымаш каслан кузе ямдылалт кертына?

Шӱметым ямдыле. Шарнымаш кас жапыште лудашлан ойырымо библийысе почеламут-влакым луд да лудмо нерген шонкале. Библийым лудашлан график «Исследуем Писания каждый день» брошюрышто уло. «Слово Бога в картах и схемах» брошюрышто тичмаш график уло (16-шо кыдеж А да Б). (Тыгак 2020 ийын апрель тылзылан «Илыш ден служымаш» паша тетрадьым ончо.) Иисусын тӱлен налмыжым шукырак аклашлан еш дене Библийым шымлымаште «Индекс публикаций Сторожевой башни» але «Путеводитель по публикациям Свидетелей Иеговы» справочникым кучылт.

Весе-влакым ӱж. Ӱжмаш кампаний годым шукырак служитле. Шонкале, кӧм тый ӱжын кертат, мутлан, тудым, кӧ дене Библий нерген кутыренат але шымленат, тыгак палымет ден родет-влакым. Кугурак иза-влаклан таныклаш чарныше уверзе-влакым ӱжман. Тораште илыше-влаклан полшашлан, jw.org сайтыш пурен, кушто да кунам Шарнымаш кас нунын кундемыштышт эртарыме лиеш, пален нал. Тидлан «МЕМНАН НЕРГЕН» вкладкым темдал да «Шарнымаш кас» кыдежым ойырен нал.

Кузе эше тый ямдылалт кертат?