Моав лап верыште лийше событий-влак — тиде чыла христианлан шижтарыше пример (1Кр 10:6, 8, 11). Израильтян-влак шоя юмо-влаклан кумалше яжар моав ӱдырамаш-влак дене шуко жапым эртараш тӱҥалыныт. Тидлан кӧра израильтян-влак кугу сулыкыш пуреныт. Тиде калыклан кугу ойгым конден (Чс 25:9). Чӱчкыдын ме Иеговалан ӱшаныдыме пырля тунемше-влак да пашам пырля ыштыше-влак коклаште улына але родынам, пошкудынам да палыме-влакым вашлийына. Нунын дене лишыл кыл кучымаш ойгым конден кертеш. Кузе тиде библийысе каласкалымаш мыланна шекланыше лияш полша?

«ПРЕДОСТЕРЕГАЮЩИЕ ПРИМЕРЫ ДЛЯ СОВРЕМЕННЫХ СЛУЖИТЕЛЕЙ БОГА» ВИДЕОПОСТАНОВКО ГЫЧ УЖАШЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Зимри ден весе-влак Иаминым мо шотышто ӱшандараш тыршеныт?

• Тиде ситуаций шотышто Финеес Иаминлан ончалтышыжым вашталташ кузе полшен?

• Ӱшаныдыме айдеме дене йолташ лиймаш да тыгай айдемылан порым ыштымаш мо дене ойыртемалтыт?

• Погынымашыштат шкаланна лишыл йолташ-влакым ойырен налмаште молан шекланыше лияш кӱлеш?

• Интернет гоч палыдыме еҥ-влак дене кыл кучымаш деч молан кораҥаш кӱлеш?