ХРИСТИАН ИЛЫШ
Могай кум йӧн Иеговалан ӱшанаш полша
Давид Иеговалан ӱшанен да садлан Голиафым сеҥен кертын (1См 17:45). Иегова кажне служитлышыжлан кумылын полша (2Лт 16:9). Шке моштымаш ден опытлан огыл, а Иегован полшымыжлан ӱшанымым кузе ончыктен кертына? Теве кум йӧн:
-
Чӱчкыдынрак кумал. Титакым ыштымеке гына огыл кумал, но тыгак, алгаштарымашыш логалмеке, вигак кумалаш тырше да тудым сеҥашлан вийым йод (Мф 6:12, 13). Тыйын лукмо решенийым суапландарыме нерген гына огыл Иеговам йод, но тыгак решенийым лукмо деч ончычак Иегова деч уш-акылым йод (Иак 1:5).
-
Библийым эре луд да шымле. Библийым кажне кечын луд (Пс 1:2). Библийысе пример-влак нерген шонкале, нунын деч урокым нал да илышышкет пурто (Иак 1:23—25). Служитлымашлан ямдылалт, шке опытланет ит ӱшане. Вашлиймаш деч утларак пайдам налашлан материал дене ончылгоч палыме лий.
-
Иегован организацийже дене кылым кучо. Организацийын пытартыш кӱштымашыж дене палыме лий да нуным вигак илышыш пурташ тырше (Чс 9:17). Кугурак иза-влакын каҥашыштым да кӱштымыштым колышт (Евр 13:17).
«У НАС НЕТ ПРИЧИН БОЯТЬСЯ ПРЕСЛЕДОВАНИЙ» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:
• Иза ден ака-влак мо деч лӱдыныт?
• Лӱдмашыштым сеҥаш нунылан мо полшен?