Библий шымлымаш нерген мемнан ныл видеоролик уло, кудыштым ме служитлымаште кучылтын кертына. Нине видеоролик-влакын могай цельышт?

• «Молан Библийым шымлаш кӱлеш?» (тичмаш версий). Тиде видеоролик айдемым, религийжым ончыде, Библийым пален налаш кумылаҥда. Тудо эн кӱлешан йодыш-влаклан Библийыште вашмутым муаш тарата. Тушто ик примерым ончыктымо лийын, кузе Библий тыгай йодыш-влаклан вашмутым пуа. Тыгак тиде видеороликыште умылтарыме, кузе Библийым шымлымаш нерген йодаш лиеш.

• «Молан Библийым шымлаш кӱлеш?» (кӱчык версий). Тиде видеоролик тичмаш версий гаяк, но кум пачаш наре кӱчыкрак. Тудым вашкыше еҥлан ончыкташ пеш сай.

• «Библийым шымлымаш кузе эртаралтеш?». Тиде видеоролик Библийым шымлыме курсым тӱҥалаш кумылаҥдаш полша да тиде курс нерген чӱчкыдын пуэдыме йодыш-влаклан вашмутым пуа. Тиде видеороликыште умылтаралтеш, кузе Библийым шымлымаш нерген йодаш лиеш.

• «Библийым шымлыме курсыш пагален ӱжына!». Тиде видеороликым Библийым шымлыше айдемылан ончыкташ лиеш. Тиде видеоролик «Курымеш куанен илыза!» книган кокымшо страницыштыже палемдалтеш гынат, тудым «Курымеш куанен илыза!» брошюрым шымлыме годымат ончалаш лиеш. Тиде видеороликыште ойлалтеш, мо нерген тиде курс да кузе тудо эртаралтеш.

Нине видеоролик-влакын цельышт тӱрлӧ гынат, кӱлеш лиеш гын, ме еҥ-влаклан кеч-могайжым ончыктен але колтен кертына. Ме чыла уверзе-влакым нине видеоролик-влак дене палыме лияш да нуным служитлымаште кучылташ таратена.