Пытартыш кечылаште пӱртӱс вий ден лийше эҥгек-влак чӱчкыдынрак лиедат. Эҥгек лийме годым полыш радам дене пуалтшаш. Сандене Вуйлатыше совет кӱштымашым луктын: кажне филиалыште эҥгек годым полыш комитет лийшаш.

Кунам тиде комитет гыч иза-влак эҥгек лийме нерген пален налыт, нуно верысе кугурак иза-влак дене вигак кылдалтыт да йодыт, мо шотышто полыш кӱлеш. Верысе иза-ака-влак эҥгек деч вара чыла нелылыкым кораҥден огыт керт гын, филиал полыш пуымым виктарашлан иза-влакым шогалта. Нине иза-влак каласен кертыт: доброволец-влакым ӱжаш але иктаж-могай арверым але сатум кондаш кӱлеш але уке. Тыгак нуно эҥгек лийме кундемыштат чыла кӱлешаным налын кертыт да вара кӧлан кӱлеш пайлат.

Сандене иза-ака-влаклан шке шонымо почеш полышым пуаш тыршыман огыл. Вет кунам полыш радам дене пуалтеш, иза-ака-влакын вийышт, оксашт да тыршымашышт арам огыт лий.

Филиал дене шогалтыме иза-влак решитлен кертыт, эҥгек деч вара нелылыкым кораҥдашлан мыняр доброволец ден окса кӱлыт. Нуно, верысе чиновник-влак дене палыме лийын да мутланен, нунын деч полышым йодын кертыт. Сандене тендам йодын огытыл гын, оксам погаш, гуманитарный полышым колташ але эҥгек лийме верышке толаш огеш кӱл.

Мутат уке, эҥгек лийме годым иза-ака-влаклан полшымына шуэш, вет ме нуным йӧратена! (Евр 13:16). Мом мыланна ышташ лиеш? Эн тӱҥжӧ — эҥгекыш логалше-влак да нунылан полшышо-влак верч кумалаш. Тыгак ме тӱнямбалысе пашалан окса надырым ыштен кертына. Филиал-влакым Вуйлатыше совет виктара, да нуно сайрак палат, кузе тиде оксам кучылташ. А эҥгек лийме верышке миен полшаш кумылна уло гын, тугеже «Заявление на служение добровольцем в программе местного проектно-строительного отдела» (DC-50) анкетым возыза.

«РАЗРУШИТЕЛЬНЫЕ НАВОДНЕНИЯ В БРАЗИЛИИ» ВИДЕОРОЛИКЫМ ОНЧАЛ ДА ВАШМУТЫМ ПУ:

2020 ийыште Бразилийыште лийше вӱд ташлымаш деч вара Иегован Таныкше-влак могай полышым пуэныт, да мо тыйым ӧрыктарен?