29 апрель — 5 май
ПСАЛОМ 33, 34
10 муро да кумалтыш мут | Тӱҥалтыш мут (1 мин.)
1. Иеговам кеч-могай жапыштат моктем
(10 мин.)
Нелылык дене тӱкнымӧ годымат Давид Иеговам чапландарен (Пс 33:2; w07-U 1/3 22, абз. 11).
Давид шкенжым огыл, а Иеговам чапландарен (Пс 33:3—5; w07-U 1/3 22, абз. 13).
Иеговам чапландарымыж дене Давид йыр улшо еҥ-влакымат кумылаҥден (Пс 33:6; w07-U 1/3 23, абз. 15).
Давидын Ахиш (але Авимелех) деч ир мландыш кайыме деч вара тудын дек 400 еҥ ушнен, кудышт Саул кугыжан вуйлатымыже дене келшен огытыл (1См 22:1, 2). Тиде Псаломым шонен лукмо годым Давид, очыни, лачак нине еҥ-влак нерген возен (Пс 33:1).
ШКЕ ДЕЧЕТ ЙОД: «Вес вашлиймаште иза але ака дене мутланыме годым кузе Иеговам чапландарен кертам ыле?»
2. Шӱлыш ракывотшер-влак
(10 мин.)
-
Пс 34:19. «Шинчаштым пӱялше-шамыч мыйын нерген тек огыт йывырте» Давидын манмыже мом ончыкта? (w06 15/5 20, абз. 2).
-
Тиде арняште Библийым лудын, могай шӱлыш ракывотшерым муынат?
3. Библийым лудмаш
(4 мин.) Мф 23:1—22 (th 5 урок).
4. Мутланымашым тӱҥалза
(2 мин.) ТЫГЛАЙ МУТЛАНЫМАШ ГОДЫМ ТАНЫКЛЫМАШ. Библий гыч иктаж-могай чыным каласымет деч ончыч мутланымаш кӱрлеш (lmd 1 урок, 4 пункт).
5. Мутланымашым шуйыза
(4 мин.) ТЫГЛАЙ МУТЛАНЫМАШ ГОДЫМ ТАНЫКЛЫМАШ (lmd 2 урок, 4 пункт).
6. Ӱшанымашдам умылтарыза
(5 мин.) ijwfq 59 почеш мутланымаш. Теме: «Могай пайремым пайремлаш лиеш, а могайым уке, Иегован Таныкше-влак кузе ойырен налыт?» (th 17 урок).
59 муро
7. Вашлиймаште Иеговам чапландараш кум йӧн
(15 мин.). Лончылымаш.
Вашлиймаште ме Иеговам тӱрлӧ семын чапландарен кертына. Теве кум йӧн, кузе тидым ышташ лиеш.
Мутланымаш. Весе-влак дене мутланыме годым Иегован порылыкшо нерген каласкалыза (Пс 144:1, 7). Теве мо нерген каласкалаш лиеш: те иктаж-могай пайдале шонымашым колында але лудында; таныклыме годым тендан оҥай случай лийын; иктаж-кӧ тендам шке мут але паша дене пеҥгыдемден; Юмын ыштымашыж гыч иктаж-мо тендам чот ӧрыктарен. Чыла тиде — Иегова деч пӧлек-влак (Иак 1:17). Чыла тидын нерген весе-влак дене мутланаш жапда лийже манын, вашлиймашке ондакрак толза.
Вашмут-влак. Кажне вашлиймаште кеч ик гана вашмутым пуаш тыршыза (Пс 25:12). Вашмут тӱрлӧ лийын кертеш: тура кӱчык вашмутым пуаш лиеш, тыгак иктаж-могай ешартыш шонымашым каласаш, библийысе почеламутым але сӱретым кучылташ але кузе материалым илышыш пурташ каласаш лиеш. Икмыняр вашмутым ямдылыза, вет шуко иза-акан вашмутым пуаш кумылжо лийын кертеш. Вашмут-влак 30 секунд деч утларак огыт лий гын, шукырак иза-ака «Юмылан моктымаш надырым» конден кертеш (Евр 13:15).
Муро-влак. Вашлиймаште муро-влакым уло чон дене мурыза (Пс 146:1). Погынымаште шуко уверзе уло гын, очыни, кажне вашлиймаште вашмутым пуаш йӧн ок лий, но мураш эре йӧн лиеш. Те шкендам сай мурышылан ода шотло гынат, шарныза: тыршымыда Иеговалан келша (2Кр 8:12). Ончылгочак мӧҥгыштӧ мурына-влакым мураш тунемаш лиеш, тиде тыланда вашлиймаште вожылде мураш полша.
«Наша история: движемся вперёд. Прославляем Иегову в песне (часть 1)» ВИДЕОРОЛИКЫМ ончыкто. Вара колыштшо-влак деч йод:
Кызытсе организацийнан тӱҥалтыште Иеговам моктен мурымаш кугу рольым модын, молан каласаш лиеш?
8. Погынымаш дене Библийым шымлымаш
(30 мин.) bt 9 ужаш, 1—7 абз.; 3 кыдежлан тӱҥалтыш мут да 70 стр. рамке
