МОЛАН ТИДЕ КӰЛЕШАН Сокыр-влак гыч шукышт палыдыме еҥ дене мутланаш лӱдыт. Сандене нунылан Библий нерген каласкален мошташ кӱлеш. Иегова сокыр-влакым йӧрата да нунын верч тырша манын, тудын законжо гыч ужаш лиеш (Лв 19:14). Меат, Юмо деч примерым налын, тыгай еҥ-влаклан Юмо деке лишемаш полшен кертына.

КУЗЕ ТИДЫМ ЫШТАШ

• Сокыр-влакым кычал (Мф 10:11). Палет мо тый тыгай еҥ-влакым, кӧн ешыштышт сокыр уло? Погынымашдан территорийыштыже сокыр-влаклан иктаж-могай учреждений уло мо, мутлан, школ але шоҥго-влакын илыме пӧртышт?

• Еҥ-влак нерген шоно. Поро да шӱман лият гын, тунам сокыр айдемылан тый денет мутланаш куштылгырак лиеш. Тыйын кундемыштет илыше еҥ-влаклан оҥай теме дене мутланымым тӱҥалаш тырше.

• Юмо деке лишемаш полшо. Мемнан организацийна сокыр ден начарын ужшо-влаклан публикацийым тӱрлӧ формат дене савыкта. Тыгай еҥ-влаклан публикацийым келшыше формат дене заказым ыштыман. Тидым таныклыме пашам эскерыше иза тергышаш.