Мемнан кундымыштына илыше еҥ-влакым Шарнымаш касыш ӱжашлан ий еда ме шуко вийым пыштена. Мемнан улшо обстоятельствым шотыш налын, палыдыме еҥым ме огына ӱж. Но ӱжына нуным веле, кӧм ме сайын палена. Кунам айдемым палыме еҥ ӱжеш, тунам тудо кумылынрак мия (yb08-U 11, абз. 3; 14, абз. 1). Шонкален нал, палымет-влак кокла гыч кӧм тый ӱжын кертат. Тиде лийын кертыт:

• родо-влак;

• пашам пырля ыштыше але пырля тунемше-влак;

• пошкудо-влак;

• нуно, кӧ дене тый Библий нерген эре мутланет. Тыгак нуно, кӧ дене тый Библийым шымлет але ончыч шымленат.

Кугурак иза-влак миен кертыт нунын дек, кӧ шукерте огеш служитле але вашлиймашкат огеш кошт. Шарнымаш кас деч ончыч шонкален нал, кӧм ӱжаш лиеш да кузе тидым ышташ кугурак иза-влак дене каҥашен нал.