Ака-влак Кугыжанышын пашаштыже шуко мом ыштат (Пс 68:11, УТ). Нуно шуко Библий шымлымашым эртарат. Эрелык пионер-влак коклаште эн шукыжо ака-влак улыт. Тӱжем дене пашаче улшо ака-влак Вефильыште пашам ыштат, чоҥымо пашаште полшат, кусарыше улыт але миссионер семын служитлат. Шӱлыш почеш илыше да кушкын шушо христиан ака-влак шке ешыштым да погынымашымат пеҥгыдемдат (Пр 14:1). Ака-влак кугурак иза але служебный полышкалыше семын служитлен огыт керт гынат, нуно погынымашлан шуко ыштен кертыт. Ака-влак, те шкаланда Иегован пашаж дене кылдалтше могай цельым шынден кертыда?

• Юмылан келшыше койыш-влакым вияҥде (1Тм 3:11; 1Пт 3:3—6).

• Шагалрак опытан ака-влаклан полшо (Тит 2:3—5).

• Таныклыме пашаште шукырак тырше да туныктышо семын шке моштымашетым саемде.

• Вес йылмым тунем.

• Кушто шукырак уверзе кӱлыт, тушко куснымо нерген шоналте.

• Вефильыште служитлашлан але чоҥымо проектыште пашам ышташлан заявленийым возо.

• Кугыжанышын увертарышыж-влаклан школышто тунемашлан заявленийым возо.

«ЖЕНЩИНЫ, „УСЕРДНО ТРУДЯЩИЕСЯ В ГОСПОДЕ“» ВИДЕОРОЛИКЫМ ОНЧЕН НАЛ ДА ЙОДЫШЛАН ВАШМУТЫМ ПУ:

• Кажне акан примерже тыйым мом ышташ кумылаҥден?