Историй мучко Иегован служитлышыже-влак чот неле проект-влакым илышыш пуртеныт. Нуно тидым шке вий да моштымашышт дене огыл, а Иегован полыш дене ыштеныт. 1954 ийыште Иегован организацийже «Общество нового мира в действии» фильмым луктын. Тиде пашам Вефильыште служитлыше-влак шуктеныт, фильм-влакым ыштымаште нунын нимогай опытышт лийын огыл. Тиде чот неле паша Иегован святой шӱлыш дене веле шукталт кертын. Тиде случай пеҥгыдемда: ме Иеговалан тӱрыснек ӱшанена гын, кеч-могай пашам шуктен кертына (Зх 4:6).

«КАК СОЗДАВАЛСЯ ФИЛЬМ „ОБЩЕСТВО НОВОГО МИРА В ДЕЙСТВИИ“» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Иегован таныкше-влакын тӱнямбалысе тӱҥ виктемышт нерген фильмым ышташ могай амал лийын?

• Вефиль айдеме кап семын пашам ышта манын, молан каласаш лиеш? (1Кр 12:14—20).

• Фильмым ыштыме годым иза-влакын могай нелылыкышт лектын да кузе нуно нине нелылыкым сеҥеныт?

• Иегован святой шӱлыш нерген тиде видеоролик гыч тый мом пален налынат?