1:3; 2:1, 12; 3:1

Моисей гоч пуымо закон почеш израильтян-влаклан надырым кондаш кӱлын. Нине надыр-влак Иеговам куандареныт. Тыгак нуно Христосын кондымо надыржын да тиде надырлан кӧра лийын кертше ончыкылык суапландарымашын сынже лийыныт (Евр 8:3—5; 9:9; 10:5—10).

• Надырлан кондымо чыла вольык таза да экшык деч посна лийшаш улмаш. Тиде семынак Иисус экшык деч посна шке сулыкдымо капым надырлан пуэн (1Пт 1:18, 19).

• Йӱлалтен пуымо надыр-влак Юмылан пӱтынек кондымо лийыныт. Тиде семынак Иисус шкенжым Иеговалан тӱрыснек пуэн.

• Тынысле надырым кондышо-влакын Иегова дене тыныс лийын. Тиде семынак Шарнымаш касыште киндым кочшо да йошкар аракам йӱшӧ шӱрымӧ христиан-влак Юмо дене тыныслыкыште улыт.