Йолташ-влакын могай койышыштым тый аклет? Очыни, ӱшанле лиймыштым, порылыкыштым да чаманыде пуаш кумылыштым. Чыла нине койыш-влак Иегованат улыт (Исх 34:6; Ап 14:17). Тудо тыйын кумалме мутетым колыштеш. Тыланет йӧсӧ жапыште полша (Пс 17:20, 36). Тудо тыйын йоҥылышетым проститла (1Ин 1:9). Мутат уке, Иегова — пеш сай йолташ!

А тый Иеговалан сай йолташ кузе лийын кертат? Тудын Мутшо гыч тудын нерген шинчымашым нал. Тудлан инанаш тунем (Пс 61:9; 141:3). Иегован аклымыже тыланетат шергакан лийже, мутлан: тудын Эргыже, Кугыжанышыже да тудын сӧрымашыже. Тудын нерген весе-влаклан каласкале (Вт 32:3). Иегова дене йолташ лият гын, тудо тыйын йолташет курымешлан лиеш (Пс 72:25, 26, 28).

«ЮНОШИ И ДЕВУШКИ, „ВКУСИТЕ И УЗНАЙТЕ, КАК ДОБР ИЕГОВА“!» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Юмылан ӱшанле лияш сӧрымашым пуаш да тынеш пураш манын, тый кузе ямдылалтын кертат?

• Погынымаш гыч весе-влак тыланет Иеговалан служитлаш кузе полшен кертыт?

• Служымаш Иегова дене кыл кучымашетым кузе пеҥгыдемда?

• Шукырак служитлаш тыйын могай йӧн уло?

• Тый Иеговам мо верч йӧратет?