Иисус «Юмын Кугыжаныш нерген поро уверым» каласкален (Лк 4:43). Тыгак тудо еҥ-влакым тиде Кугыжаныш нерген кумалаш туныктен (Мф 6:9, 10). Ноябрь тылзыште Юмын Кугыжаныш нерген каласкалашлан шукырак вийым пыштымына шуэш (Мф 24:14). Тиде кампанийыш ушнашлан графикдам вашталтыза. Ту тылзын полышкалыше пионер-влак мынярым служитлаш — 30 але 50 шагатым — шке ойырен налын кертыт.

Юмын Кугыжанышыже нерген иктаж-могай библийысе почеламутым ойырен налза, да территорийыштыда тудын нерген шукырак еҥ пален налже манын, уло вийым пыштыза. Почеламутым ойырен налмаште религийыштым шотыш налза. Икымше гана мутланыме годым айдемылан оҥай лиеш гын, тудлан «Сторожевая башня» (№ 2-U 2020) журналым темлыза. Вара вашкерак тиде айдеме деке толын, тудын дене Библий шымлымым тӱҥалаш тыршыза. Тидлан ӱзгарна-влак гыч келшен толшо публикацийым кучылтса. Жап шагал кодын: чот вашке Юмын Кугыжанышыже Юмын вуйлатымыже ваштареш шогышо чыла правительствым пытара (Дан 2:44; 1Кр 15:24, 25). Сандене айста тиде специальный кампанийыште эше шукырак тыршымашым пыштена! Тыге ме Иеговалан да тудын Кугыжанышыжлан ӱшанле улмынам ончыктена.