Мемнан Иегова деч чапле полыш уло — иза-акана-влак (1Пт 5:9). Нунын дене пырля ме кеч-могай нелылыкым сеҥен кертына! Мутлан, апостол Павеллан Акила ден Прискилла, Сила, Тимофей да моло христиан-влак кугу полыш лийыныт (Ап 18:1—5).

Таныклыме годым иза але ака кузе полшен кертеш? Икте каласен кертеш, мом торешмутлан вашешташ лиеш. Весе кокымшо мутланымашлан ямдылалташ полша. А кумшо туныкта, кузе Библий шымлымашым тӱҥалаш да эртараш. Шоналте, погынымаштет кӧ тыланет иктаж-могай моштымашым вияҥдаш полшен кертеш, да тудын дене пырля таныклаш кутырен келше. Тыге те коктынат кугу пайдам да куаным налыда! (Фп 1:25).

«ТУНЕМШЕ-ВЛАКЫМ ЯМДЫЛЫМАШ КУАНЫМ КОНДА. ИЕГОВА ДЕЧ ПОЛЫШЫМ НАЛЗА: ИЗА-АКАНА-ВЛАК» ВИДЕОРОЛИКЫМ ОНЧЕН НАЛ ДА ЙОДЫШ-ВЛАКЛАН ВАШМУТЫМ ПУ:

• Кузе Нита Джейдым вашлиймашыш толаш кумылаҥден?

• Шымлымашыш молан тӱрлӧ иза-акам ӱжаш кӱлеш?

• Джейд ден Абигейллан мо ик семынак келшен?

• Иза-ака-влак тыйым мо́лан туныктен кертыт?