Спортсменлан кап-кылжым шуарашлан умбакыжат тренироватлалташ кӱлеш. Тугак мыланна сай ден удам ойырен мошташлан шкенан ушнам эре тренироватлаш кӱлеш (Евр 5:14). Весе-влак семын ышташ куштылгырак койын кертеш гынат, мыланна шонкалаш да шке решенийнам лукташ тунемман. Молан? Молан манаш гын, кажне еҥ шке решенийже верч Юмын ончылно мутым кучаш тӱҥалеш (Рм 14:12).

Шонаш огеш кӱл, пуйто чыныште шуко ий лиймыланна кӧра мемнан решенийна эре сай лийыт. Сай решенийым лукташлан Иеговалан, тудын Шомакшылан да организацийжылан тӱрыснек ӱшанаш кӱлеш (ИсН 1:7, 8; Пр 3:5, 6; Мф 24:45).

«ИМЕЙТЕ ЧИСТУЮ СОВЕСТЬ» ВИДЕОРОЛИКЫМ ОНЧЕН НАЛ ДА ЙОДЫШ-ВЛАКЛАН ВАШМУТЫМ ПУ:

• Эммалан могай решенийым лукташ кӱлын?

• Совесть дене кылдалтше йодыш шотышто молан мыланна весе-влаклан шке шонымынам луктын ойлаш огеш кӱл?

• Ик еш мужыр Эммалан могай уш-акылан каҥашым пуэн?

• Кузе тудлан лияш умылен налашлан Эмма информацийым кушто муын?