ХРИСТИАН ИЛЫШ
«Курымеш куанен илыза!» брошюр ден книгам служымаште кучылт
Библийым шымлашлан у брошюр ден книган лекмышт мемнам чот куандара! Иегова мыланна эше шукырак тунемше-влакым ямдылаш полшыжо манын кумалына (Мф 28:18—20; 1Кр 3:6—9). Нине у ӱзгар-влакым кузе кучылташ?
«Курымеш куанен илыза!» пособий туныктымашым у семын эртараш темла. Кажне уроклан сайын ямдылалт. Шымлымашым эртарымет годым нине указаний-влак почеш ышташ тырше *.
-
Материалым шымлыше дене пырля лудын лек. Йодыш-влакым пырля лончылен налза.
-
«Лудын лекса» палемдыме почеламутым лудса. Шымлышылан умылен налаш полшо, кузе нине почеламут-влак лончылымо теме дене кылдалтыт.
-
Шымлыше дене пырля видеороликым ончо да, возымо йодыш-влакым кучылтын, тудым лончыло.
-
Иканаште ик урокым лончылен налаш тырше.
Айдеме чынжымак шымлынеже манын умылен налашлан ончыч брошюрым темле. (« „Курымеш куанен илыза!“ брошюрым икымше мутланымаш годым кузе темлаш лиеш» рамкым ончо.) Брошюр гыч чыла урокым шымлен лекмеке, айдемын умбакыжат шымлаш кумылжым ужат гын, тудлан книгам темле да шымлыме курсым нылымше урок гыч тӱҥал. «Библийын туныктымашыже могай?» але «Юмын йӧратымашыже» книга-влакым кучылтын, иктаж-кӧ дене Библийым шымлет гын, «Курымеш куанен илыза!» книгаш кусно. Могай урок гыч шымлымашым шуяш, шке ончо.
«БИБЛИЙЫМ ШЫМЛЫМЕ КУРСЫШ ПАГАЛЕН ӰЖЫНА!» ВИДЕОРОЛИКЫМ ОНЧЕН НАЛ ДА ЙОДЫШ-ВЛАКЛАН ВАШМУТЫМ ПУ:
-
Библийым шымлыме курс гыч айдеме мом пален налеш?
-
Шымлаш шонышо айдемылан тиде видеороликым молан ончыктыман?
-
Шымлышым могай цельыш шуаш тараташ кӱлеш? (« Кажне кыдежын задачыже да цель-влак» таблицым ончо.)
^ абз. 4 ПАЛЕМДЫМАШ. «Ешартышлан» пуымо материал урокын тӱҥ ужашышкыже огеш пуро гынат, ямдылалтмет годым чыла статьям лудын лек да видеом ончен нал. Тиде умылен налаш полша, могай материал шымлышылан шукырак пайдам конда. Книган электрон версийыштыже уло ешартыш материалым книга гыч вик ончаш лиеш.
|
КАЖНЕ КЫДЕЖЫН ЗАДАЧЫЖЕ ДА ЦЕЛЬ-ВЛАК |
|||
|---|---|---|---|
|
УРОК-ВЛАК |
ЗАДАЧЕ |
ЦЕЛЬ-ВЛАК |
|
|
1 |
1—12 |
Пален налаш: мо дене Библий пайдале да кузе тудын Авторжо дене палыме лияш. |
Шымлышым Библийым лудаш, уроклан ямдылалташ да вашлиймашыш кошташ тараташ. |
|
2 |
13—33 |
Пален налаш: мом мыланна Юмо ыштен да кузе тудлан чын кумалаш. |
Весе-влаклан пален налме нерген каласкалаш тараташ. Уверзе лияш кумылаҥдаш. |
|
3 |
34—47 |
Пален налаш: Юмо шке служитлышыже-влак деч мом ыштымым вуча. |
Иеговалан ӱшанле лияш сӧрымашым пуаш да тынеш пураш кумылаҥдаш. |
|
4 |
48—60 |
Пален налаш: кузе Юмын йӧратымаштыже кодаш. |
Шымлышылан сай ден удам ойырен мошташ тунемаш да Иегова деке лишемаш полшаш. |
