Христиан еш пеҥгыде улеш гын, тиде Иеговам чапландара да марий ден ватым куандара (Мк 10:9). Мужыраҥмаш пиалан да курымешлан лийже манын, христиан-влаклан библийысе принцип-влакым кучылтман.

Самырык годым виян сексуальный кумыл уш-акылан решенийым лукташ мешаен кертеш. Сайрак лиеш ыле тыгай ийгот эртымеке веле свиданийыш кошташ (1Кр 7:36). Тый мужыраҥше отыл гын, Юмо дене кыл кучымым пеҥгыдемдаш да христиан койыш-влакым вияҥдаш цельым шынде. Вет чыла тиде ончыкыжым тылат шке ешым пиаланым ышташ полша.

Мужыраҥаш решенийым лукмо деч ончыч айдемын чынжымак могай улмыжым да шонымашыжым пален налашлан жапым ойырен налман (1Пт 3:4). Таҥет шотышто кокыте шонымашет лектын гын, тидын нерген тудлан каласе. Уже кызытак шукыракшым шке нерген гына огыл, а весе-влак нерген шонаш тунемман (Фп 2:3, 4). Мужыраҥме деч ончыч библийысе принцип-влакым кучылтат гын, ончыкылык мужыраҥмашетлан сай «негызым» пыштет.

«ПОДГОТОВКА К БРАКУ. ЧАСТЬ 3: „ПОДСЧИТАЙ ЗАТРАТЫ“» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Тиде акан Шейн дене кыл кучымашыже кузе кушкын?

• Шейным сайрак пален налмеке, акан могай шонымашыже лектын?

• Ача-аваже тудлан кузе полшеныт да тудо могай решенийым луктын?