Сайтнан тӱҥ лаштыкыште тӱрлӧ статья ден видеороликлан ссылке-влак улыт. Нуно тыгай еҥ-влаклан оҥай лийын кертыт, кӧ чыным пален налнеже (Ап 13:48). Чӱчкыдын тушто шуко еҥым тургыжландарыше теме лончылалтеш.

jw.org сайтын тӱҥ лаштыкшым таныклыме годым кузе кучылташ лиеш?

• Сайтыш чӱчкыдын пуро. Тӱҥ лаштыкыште «Ойырен налме» разделыште лукмым эскере да шонкале, могай материал пайдале лиеш еҥ-влаклан, кудышт дене духовный теме нерген мутланет. Тидлан кӧра еҥ-влак дене мутланашлан тыйын эре оҥай теме лиеш. (Тиде разделыште шукерте огыл лекше вес материалым муашлан «Вес статья-влак» кнопкым темдал.)

• Мутланымашым тӱҥалашлан тӱҥ лаштык гыч статья ден видеоролик-влакым кучылт. Тушто палдарыме теме-влак кундемыштет илыше еҥ-влаклан оҥай лийын кертыт.

• Еҥ-влаклан тӱҥ лаштыкым ончыкто. Айдемылан тӱрлӧ темым ончыкто да умылтаре, кузе сайтыште кӱлешан информацийым муаш.

• «Колташ» функцийым кучылт. Южо еҥ-влак мемнан дене ынешт мутлане, но сайтыш пураш тореш огытыл. Сандене тыгай айдемылан сайтын тӱҥ лаштыкшылан, иктаж-могай статьялан але видеороликлан ссылкым колтен кертат.