7—13 октябрь
ПСАЛОМ 91—94
84 муро да кумалтыш мут | Тӱҥалтыш мут (1 мин.)
1. Иеговалан служымаш — эн сай илыш корно
(10 мин.)
Иегова чапым налаш йӧрышӧ, сандене ме тудлан служитлена (Пс 91:2, 5; w18.04-U 26, абз. 5).
Тудо мыланна пиалан лияш полшышо решений-влакым лукташ полша (Пс 91:6; w18.11-U 20, абз. 8).
Иегова илалше служитлыше-влакым акла (Пс 91:13—16; w20.01-U 19, абз. 18).
ШКЕ ДЕЧЕТ ЙОД: «Иеговалан шке илышым пӧлеклаш да тынеш пураш мыланем мо мешая?»
2. Шӱлыш ракывотшер-влак
(10 мин.)
-
Пс 91:6. Нине мут-влак Иегован уш-акылжым сайын умылтарат манын, молан каласаш лиеш? (cl 176, абз. 18).
-
Тиде арняште Библийым лудын, могай шӱлыш ракывотшерым муынат?
3. Библийым лудмаш
(4 мин.) Мк 4:14—25 (th 5 урок).
4. Мутланымашым тӱҥалза
(4 мин.) ТЫГЛАЙ МУТЛАНЫМАШ ГОДЫМ ТАНЫКЛЫМАШ. Айдеме дене мутланыме годым тый еҥ-влаклан Библийым сайрак пален налаш полшет манын каласкалашлан йӧным му (lmd 5 урок, 3 пункт).
5. Мутланымашым шуйыза
(3 мин.) ТЫГЛАЙ МУТЛАНЫМАШ ГОДЫМ ТАНЫКЛЫМАШ. Библий шымлымашым тыгай айдемылан темле, кудыжо ончыч шымлаш келшен огыл (lmd 8 урок, 4 пункт).
6. Тунемше-влакым ямдылыза
(5 мин.) Шымлыше айдеме дене мутланымаш, кудыжо духовный шотышто огеш куш (lmd 12 урок, 5 пункт).
5 муро
7. Самырык иза-ака-влакат шӱм тургыжланыме дене орланат
(15 мин.). Лончылымаш.
Иеговалан служитлена гын, шӱм тургыжланыме дене она орлане манын, тиде огеш ончыкто. Мутлан, тыгай тургыжланымаш дене Давид тӱкнен, да мемнан жапыштат тиде нелылык дене шуко иза-ака тӱкна (Пс 12:3; 138:23). Чаманаш логалеш, самырык христиан-влакат тыгайым шижын кертыт. Шӱм тургыжланымылан кӧра нунылан тыглай пашам ышташ куштылго огыл лийын кертеш, мутлан, школыш але вашлиймашыш кошташ. Шӱм тургыжланымаш эсогыл панический атакым але шкем пуштмо нерген шонымашым шочыктен кертеш.
Самырык иза-ака-влак, шӱм тургыжланыме дене орланеда гын, тидын нерген ача, ава але духовный христиан дене мутланен налза. Тыгак Иеговам тыланда полшаш йодса (Фп 4:6). Тудо тыланда полша (Пс 93:17—19; Иса 41:10). Айста Стингын примержым ончалына.
«Иегова заботился обо мне» ВИДЕОРОЛИКЫМ ончыкто. Вара колыштшо-влак деч йод:
• Стинглан могай библийысе почеламут полшен?
• Иегова тудын верч кузе тыршен?
Ача-ава-влак, те шке йочаланда шӱм тургыжланымым сеҥаш полшен кертыда. Нуным тӱткын колыштса, нуным йӧратеда манын ончыктыза да Иегова нуным йӧрата манын ӱшандарыза (Тит 2:4; Иак 1:19). Йочаланда полшашлан физический да эмоциональный вийым тыланда пуаш Иеговам йодса.
Погынымаште иктаж-кӧ шӱм тургыжланыме дене орлана манын, ме южгунам она пале. Але тыгай еҥ-влак мом шижыт, тӱрыснек умылен она керт. Туге гынат, погынымаште нуным йӧратат да аклат нуно шижышт манын, ме вийым пыштен кертына (Пр 12:25; Евр 10:24).
8. Погынымаш дене Библийым шымлымаш
(30 мин.) bt 16 ужаш, 6—9 абз., 132 стр. рамке
