Тый тынеш пурыдымо уверзе але Библийым шымлыше улат гын, тынеш пураш цельет уло мо? Молан тиде цельым шындыман? Юмылан ӱшанле лияш сӧрымашым пуымеке да тынеш пурымеке, айдемын Иегова дене поснак лишыл кыл кучымаш лиеш (Пс 90:1). Тыгак, тиде ошкыл утаралташ полша (1Пт 3:21). Тиде цельыш шуаш тыланет мо полша?

Чыным муметлан ӱшанет мо? Тӱрлӧ йодыш лекме годым вашмутым муашлан шымлымашым эртаре (Рм 12:2). Умылен нал, мом тыланет илышыштет эше вашталташ кӱлеш да тидым ышташ тырше. Терген нал, мо тыйым вашталташ тарата. Эн сай таратыше амал — Иеговам куандараш кумыл (Пр 27:11; Еф 4:23, 24). Тудын деч эре полышым йод. Ӱшане: Иегова тыланет вийым пуа да шке виян святой шӱлышыж дене полша (1Пт 5:10, 11). Тыйын тыршымет арам огеш лий. Иеговалан служитлымаш — эн сай илыш корно! (Пс 15:11).

«ПУТЬ К КРЕЩЕНИЮ» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Южыштлан тынеш пурашлан могай нелылыкым сеҥаш кӱлын?

• Иеговалан шке илышым пӧлеклашлан ӱшан кӱлеш. Ӱшаным пеҥгыдемдаш мо полша?

• Тынеш пураш манын, кӱлешан вашталтышым ышташ южыштым мо таратен?

• Тынеш пурышо-влак илышыштышт Иегова деч могай суапландарымашым ужыт?

• Иеговалан ӱшанле лияш сӧрымашын да тынеш пурымашын значенийышт могай?