Пелашлан ӱшанле лияш сӧрымаш Иеговалан кугу значениян улеш. Юмын каласымыже почеш марий ден вате курымеш пырля лийшаш улыт (Мф 19:5, 6). Иегован калыкыштыже шуко пеҥгыде еш уло. Туге гынат, кажне еш нелылык дене тӱкна. Марий ден вате коклаште нелылык лекме годым ойырлымаш да посна-посна илымаш полша манын, тиде тӱня семын ме шонышаш огынал. Христиан шке мужыраҥмашыжым кузе арален кертеш?

Вич кӱлешан каҥашым ончен налына.

1. Шӱметым арале. Йоргаланымаш, яжарланымаш дене кылдалтше фильм, передаче, музык да моло тыгай паша мужыраҥмашым лушкыдемден кертеш. Сандене тиддеч кораҥаш кӱлеш (Мф 5:28; 2Пт 2:14).

2. Юмо дене келшымашым пеҥгыдемде да мужыраҥмашет Юмылан келшыше лийже манын ышташ тырше (Пс 96:10).

3. Умбакыжат у айдемыш вӱдылалт. Пелашетым куандараш тырше. Мутлан, тудлан вучыдымын изи пӧлекым ыште (Кл 3:8—10, 12—14).

4. Пелашет дене эре порын мутлане. Тудын шижмашыжым пален налаш тырше (Кл 4:6).

5. Интимный кыл кучымаште шыма да йӧратыше лий (1Кр 7:3, 4; 10:24).

Мужыраҥмашым пагалымыж дене христиан мужыраҥмашын Ыштышыжым, Иеговам, пагала.

«МЫ ДОЛЖНЫ БЕЖАТЬ „СО СТОЙКОСТЬЮ“. СОБЛЮДАЙТЕ ПРАВИЛА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Еш илыш ончыч куштылго лийын гынат, варажым могай нелылык лектын кертеш?

• Кӧ шотла, пуйто тудын мужыраҥмаштыже йӧратымаш уке, тудлан библийысе принцип-влак кузе полшен кертыт?

• Еш илышлан Иегова могай правил-влакым пуэн?

• Еш пиалан лийже манын, марий ден вате мом ыштышаш улыт?