Молан ме ий еда эртаралтше регионысо конгрессна-влакым тынар чот йӧратена? Ожнысо Израильын пайремже-влак семын тыгай конгресс-влак мыланна шуко иза-ака дене пырля Иеговалан кумалаш йӧным пуат. Кажне гана тушто мемнам поян духовный ӱстел вуча. Тыгак мыланна тушто йолташ ден родо-влак дене вашлиялташ келша. Сандене конгресснан ик кечымат кодмына ок шу.

Кунам ме пырля погынена, ме шке нерген гына огыл шонышаш улына, но тыгак кузе весе-влакым йӧратымым ончыкташ лиеш шоныман (Гл 6:10; Евр 10:24, 25). Иза-ака-влаклан омсам почын да мыняр кӱлеш гына верым налын, ме весе-влак нерген шонымынам ончыктена (Фп 2:3, 4). Конгрессыште у йолташ-влакым муаш лиеш. Шкаланна тыгай цельым шынден кертына: конгрессын программыж деч ончыч але тудын деч вара, але кечывал кочкыш годым у иза але ака дене палыме лияш (2Кр 6:13). Можыч те курымешлан йолташ лияш тӱҥалыда! Тыгай йӧратымашым ужын, вес еҥ-влакын Иегован калыкыш ушнаш кумылышт лектын кертеш (Ин 13:35).

«МЕЖДУНАРОДНЫЕ КОНГРЕССЫ „ЛЮБОВЬ НИКОГДА НЕ ПРОХОДИТ“» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Иза-ака-влак 2019 ийын тӱнямбалысе конгрессыш толшо-влаклан йӧратымашым кузе ончыктеныт?

• Иегован калык коклаште йӧратымаш ден иктылык молан тынар чот ӧрыктара?

• Вуйлатыше совет гыч иза-влак христиан йӧратымашын могай могыржо-влак нерген поснак ойленыт?

• Германийыште да Кечывалвел Корейыште христиан йӧратымаш иза-ака-влакым кузе ушен?

• Могай мемнан кумылна лийшаш?