Илышыштет могай нелылык уло? Можыч, тый еш вуй улат да тыланет иканаште шуко пашам шуктыман. Але тый пелаш деч посна йочам ончен куштет да илыш кӱлешлыкым кузе гынат ситараш тыршет. А можыч, тыйым школышто пырля тунемше-влак мыскылат. Але тазалыкет начар да ийгот шукеммылан кӧра тӱрлӧ нелылык лектеш. Тыгела, кажнын шке нелылыкше уло. Южышт иканаште икмыняр нелылык дене тӱкнат. Но ме палена: вашке чыла нелылыклан мучаш толеш (2Кр 4:16—18).

Иегова мыланна шуко пӧлекым ямдылен, тудо мемнан нелылыкнам пала да ӱшанле кодаш тыршымынам акла. Тиде мемнам лыпландара (Иер 29:11, 12). Иисусат мемнан нелылыкна нерген пала. Тудо мыланна христиан служымашнам шукташ полша манын сӧрен. Тудо каласен: «Мый... тендан дене пырля лиям» (Мф 28:20). Юмын Кугыжаныш вуйлатыме годым лийшаш эрык нерген шонкалена гын, мемнан ӱшанна пеҥгыдемеш да тиде мыланна чыла нелылыкым сеҥен лекташ полша (Рм 8:19—21).

«В ТО ВРЕМЯ КАК БЛИЗИТСЯ БУРЯ, ДЕРЖИТЕ ВЗОР НА ИИСУСЕ! БУДУЩИЕ БЛАГОСЛОВЕНИЯ ЦАРСТВА» ВИДЕОРОЛИКЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• Кузе еҥ-влак Юмын пуымо илыш деч ӧрдыштӧ лияш тӱҥалыныт да лектышыже могай лийын?

• Иеговалан ӱшанле еҥ-влакым могай ончыкылык вуча?

• Молан кӧра ончыкыжым тыгай илыш лийын кертеш?

• У тӱнян суапландарымаш гыч могайжым тый поснак вучет?