Кузе израильтян-влакын лагерьыштышт чыла радам дене ышталтын, тыгак таче Иегован эрыкшым шукташлан тудын калыкыштыже чылажат радам дене ышталтеш. Филиал, теократический район, погынымаш да таныклымаш группо-влак — чыла тиде Кугыжаныш нерген поро уверым сайын таныклаш манын ышталтын. Ме чылаштлан, вес йылме дене мутланыше-влакланат, таныклена (Пчм 14:6, 7).

Еҥ-влаклан чыным пален налашлан вес йылмым тунемме нерген шоненат мо? Вес йылмым тунемашлан жапет огеш лий гынат, JW Language приложений полыш дене икмыняр проста шомакым тунем кертат. Нине шомак-влакым таныклымет годым кучылташ тырше. Икымше курымышто изана-влак вес калык гыч еҥ-влаклан Юмын кугу пашашт нерген нунын шочмо йылмышт дене таныкленыт да кугу куаным налыныт. Тыят тыге куанен кертат (Ап 2:7—11).

«ПРОПОВЕДУЙ ИНОСТРАНЦАМ» МУЛЬТФИЛЬМЫМ ОНЧЕН НАЛ ДА НИНЕ ЙОДЫШ-ВЛАКЛАН ВАШМУТЫМ ПУ:

• JW Language приложений тыланет кунам пайдале лийын кертеш?

• Тиде приложений мо дене ойыртемалтеш?

• Тендан элыште могай йылме дене мутланыше еҥ-влак илат?

• Таныклыме годым вес йылме дене мутланыше айдемым вашлийынат гын, да тудын Кугыжаныш нерген шукырак пален налаш кумылжым ужат гын, мом ыштыман? (od-U 100—101, абз. 39—41).