Ача-авалан молан чылажымат почын каласаш кӱлеш? (Пр 23:26). Молан манаш гын, Юмо нунылан тыйым туныкташ да аралаш кӱштен (Пс 126:3, 4). Тый нунылан шке нелылыкет нерген от каласе гын, тунам тыланет полшаш нунылан нелырак лиеш. Тыгак, нуно тыланет шке опытышт нерген нимомат каласен огыт сеҥе. Адакшым, чыла шонымашым мо ача-авалан каласкалаш кӱлеш? Уке. Но иктаж-могай шонымашым тый ача-ава деч лӱмынак шылтет гын, тиде сай огыл (Пр 3:32).

Кузе ача-ава дене чон почын мутланен налаш? Тыланет да нунылан келшыше жапым ойырен нал. Тидым ышташ неле гын, нунылан серышым возо. Серышыште шке шижмашет нерген возен кертат. Лийын кертеш, ача ден ава тый денет тыгай теме нерген мутланен налнешт, кудо тыланет огеш келше. Тыгодым тыланет шарнен кодман: нуно тыланет полшынешт, нуно тыйын тушман-влак огытыл. Ача ден авалан чылажымат почын каласаш тыршымет тыланет курымешлан пайдам конда (Пр 4:10—12).

«ЖИЗНЬ ПОДРОСТКА. КАК НАЙТИ ОБЩИЙ ЯЗЫК С РОДИТЕЛЯМИ?» ВИДЕОРОЛИКЫМ ОНЧЕН НАЛ ДА ВАШМУТЫМ ПУ:

• Эстер ден Партик мом умылен налыныт?

• Иисус деч мо́лан тунем кертат?

• Ача ден ава тыйын верч кузе тыршат?

• Ача-ава дене чон почын мутланаш тыланет могай библийысе принцип-влак полшат?