Библий илышнам тӱрыснек вашталтен кертеш (Евр 4:12). Но тудын каҥашыже-влак пайдам кондышт манын, мом ыштыман? Тудо чынжымак «Юмын... шомакше» улеш манын, мыланна пален налман (1Фс 2:13). Библийлан ӱшанымашнам кузе пеҥгыдемден кертына?

Библийым кажне кечын луд. Лудмет годым Библийын Авторжо Иегова улеш манын доказательствым кычал. Мутлан, Притчи книгам шымлен нал да ончал, тушто возымо каҥаш-влак тачысе жапыштат могай пайдале улыт (Пр 13:20; 14:30).

Келге шымлымашым эртаре. Библий — тиде Юмо деч книга манын, доказательстве-влакым шымлен нал. «Путеводитель по публикациям Свидетелей Иеговы» публикацийым поч, «Библия» темым му да «Вдохновлена Богом» манме изи вуймут гыч материалым лончылен нал. Тыгак «У тӱня» кусарымаш А3 Приложений гыч информацийым ончен лектат гын, тунам Библий вашталтын огыл манын, ӱшанымашетым пеҥгыдемден кертат.

«МОЛАН МЕ ӰШАНЕНА... ЮМЫН МУТШЫЛАН» ВИДЕОРОЛИКЫМ ОНЧАЛ ДА ВАШМУТЫМ ПУ:

• Египетысе Карнак храмыште сӱрет рельеф Библийын чын улмыжым кузе пеҥгыдемда?

  Вашмутет

• Библийын текстше вашталтын огыл манын, ме кушеч палена?

  Вашмутет

• Библий мемнан жап марте аралалт кодын. Тудо Юмын Мутшо улеш манын, тиде кузе ӱшандара? (Исайя 40:8 лудын лекса).

  Вашмутет