Молан ямдылалташ кӱлеш? Медицине полыш да госпитализаций мыланна вучыдымын кӱлеш лийын кертеш. Сандене эн сай эмлымашым налашлан мыланна вучыдымо ситуацийлан уже кызытак ямдылалташ кӱлеш. Тыге тый илышетым да Иегован вӱр нерген законжым пагалымым ончыктет (Ап 15:28, 29).

Кузе ямдылалтын кертат?

• Иеговалан кумал да, чыла нерген сайын шонкален, «Медицинысе процедур шотышто кумылым палемдыше документым» (dpa) возо a. Тынеш пурышо уверзе-влак тиде документым литературлан ответственный иза деч налын кертыт, а йочашт-влаклан, кудыштлан 18 ий темын огыл, «Личностьым палемдыше удостоверенийым» (ic) йодын кертыт.

• Мӱшкыран ака-влаклан кугурак иза-влак деч «Мӱшкыран-влаклан информаций» бланкым (S-401) йодаш кӱлеш. Тиде бланк мӱшкыран да азам ыштыме годым медицине йодыш шотышто уш-акылан решенийым лукташ полша.

• Тыланет больницыш возаш але иктаж-могай медицинысе процедурым ышташ кӱлеш гын, кудыж годым капышкет вӱрым колтен кертыт, тунам тидын нерген кугурак иза-влакым увертаре да, шке декем Иегован Таныкше-влакын представительыштым ӱжнем манын, больницыште ыштыше-влаклан каласе.

Кугурак иза-влак кузе полшен кертыт? Нуно тыланет «Медицинысе процедур шотышто кумылым палемдыше документым» возаш полшен кертыт. Но нуно тыйын олмешет решенийым огыт лук да шке шонымыштым огыт каласе, вет тиде шотышто кажныже шке решенийжым лукшаш (Рм 14:12; Гл 6:5). Кугурак иза-влак, тыйын капышкет вӱрым колтен кертыт манын пален налмеке, вигак больнице-влак дене кылым кучышо комитетлан каласат.

Больнице-влак дене кылым кучышо комитет кузе полшен кертеш? Тиде комитет гыч иза-влак туныктымо улыт, кузе врач ден юрист-влаклан капыш вӱрым колтымо шотышто мемнан позицийнам умылтараш. Нине иза-влак тыйын эмлыше врачет дене капыш вӱрым колтымо олмеш вес эмлымаш метод нерген каласкален кертыт да кӱлеш годым полшаш ямде улшо врачым муын кертыт.

«ВӰРЫМ КУЧЫЛТМО ДЕНЕ КЫЛДАЛТШЕ МЕДИЦИНЫСЕ ПРОЦЕДУР-ВЛАК ШОТЫШТО КУЗЕ РЕШЕНИЙЫМ ЛУКТАШ?» ВИДЕОРОЛИКЫМ ОНЧАЛ ДА ВАШМУТЫМ ПУ:

• Кузе тиде видеоролик вучыдымо ситуацийлан ямдылалташ полшен кертеш?

  Вашмутет