Чыла ыштымына дене Иеговам куандарымына шуэш (Пр 27:11). Южгунам мыланна решенийым лукташ кӱлеш, но ситуацийналан келшен толшо Библийыште раш закон уке. Тунамат мыланна Иегован шонымыж дене келшышын решенийым лукман. Тидым ышташ мо полша?

Кажне кечын Библийым шымлымаш. Кажне гана Библийым лудмына годым ме пуйто Иегова дене жапым эртарена. Кунам ме ужына, кузе Иегова калыкше дене шкенжым кучен; кунам сай але уда пример-влак нерген шонкалена, тиде мыланна Иегован шонымыжым умылаш полша. А решенийым лукташ кӱлмӧ годым святой шӱлыш мыланна Библий гыч пален налме кӱлешан урок ден принцип-влакым ушештарен кертеш (Ин 14:26).

Келге шымлымаш. Решенийым лукмо деч ончыч шке дечет йод: «Могай библийысе почеламут ден историй-влак мыланем умылаш полшат, мом Иегова тиде йодыш шотышто шона?» Полыш нерген кумал. Мемнан организацийна деч шымлаш полшышо ӱзгарым кучылт, кудышт тыйын йылме дене улыт. Тиде тыланет келшен толшо библийысе принцип-влакым муаш да кузе нуным кучылташ ужаш полша (Пс 24:4).

«МЫ ДОЛЖНЫ БЕЖАТЬ „СО СТОЙКОСТЬЮ“. ПОЛНОЦЕННО ПИТАЙТЕСЬ» ВИДЕОРОЛИКЫМ ОНЧАЛ ДА ВАШМУТЫМ ПУ:

• Самырык ака могай темдымаш дене тӱкнен?

  Вашмутет

• Тыгаяк ситуаций годым шымлаш полшышо ӱзгар-влак тыланет кузе полшен кертыт?

  Вашмутет

• Библийым шымлымылан да мемнам тургыжландарыше йодыш-влакым келге шымлымашлан жапым ойырена гын, кузе тиде мыланна сай решенийым лукташ полша? (Евр 5:13, 14).

  Вашмутет