Кажне ийын Иегован служитлышыже-влак Шарнымаш касым чот вучат. Шарнымаш кас деч ончыч да вара мемнан ойыртемалтше йӧн уло — тӱлен налмылан Иеговам таушташ да чапландараш (Еф 1:3, 7). Мутлан, тиде мероприятийыш весе-влакым ӱжаш тыршена. Южо иза-ака-влак мартыште да апрельыште 30 але 50 шагат нормо дене полышкалыше пионер семын служитлашлан шке графикыштым вашталтеныт. Шарнымаш кас жапыште шукырак таныклаш тыйын кумылет уло мо? Уло гын, тыланет мо полшен кертеш?

Кунам ончылгочак ямдылалтына, шукырак ыштен кертына (Пр 21:5). Шарнымаш кас вашке лишемеш, сандене кызытак ямдылалташ тӱҥал. Шоналте, служымаште шукырак ышташлан мом вашталтен кертат да нине цельыш шуаш тыланет мо полша. А варажым Иеговам тыршыметым суапландараш йод (1Ин 5:14, 15).

Шарнымаш кас жапыште шукырак служитлашлан мом ыштен кертат?