1-ШЕ УРОК
Библий илышдам кузе саемден кертеш?
Ме чыланат илыш, орланымаш, колымаш да ончыкылык нерген шонена. Тыгак мемнам, мутлан, тыгай йодыш-влак тургыжландарат: кузе пашам муаш да кузе ешнам пиаланым ышташ. Шукышт Библийыште эн тӱҥ йодыш-влаклан вашмутым гына огыл, но тыгак шке илышыштлан пайдале каҥаш-влакым муыныт. А те кузе шонеда: Библий еҥ-влаклан полшен кертеш мо?
1. Библий могай йодыш-влаклан вашмутым пуа?
Библийыште те тыгай кӱлешан йодыш-влаклан вашмутым муыда: илыш кушеч лектын? Молан ме илена? Сай еҥ-влак молан орланат? Колымаш деч вара айдеме дене мо лиеш? Чыла еҥын тыныслыкыште илымыже шуэш гын, тунам тӱняште молан тынар шуко сар лиеда? Ончыкыжым мемнам мо вуча? Библий нине йодыш-влаклан вашмутым кычалаш тарата. Тудо уже шуко еҥлан вашмутым муаш полшен.
2. Библий илышланна могай пайдам конда?
Библийыште шуко пайдале каҥаш уло. Мутлан, тушто возымо, кузе ешым пиаланым ышташ. Тудо умылтара, кузе стрессым сеҥаш да кузе шке пашам йӧратен налаш. Тиде материалым ончен лектын, те Библий гыч нине да вес йодыш-влаклан вашмутым пален налыда. «Чыла Возымаш [чылажат, мом Библийыште возымо]... пайдале» манын, те шкеат ужыда (2 Тимофейлан 3:16).
Тиде публикаций Библийым огеш алмаште. Тудо Библийым шымлаш тарата. Сандене кажне урокышто палемдыме библийысе почеламут-влакым лудса да пален налме дене таҥастарыза.
КЕЛГЫНРАК ШЫМЛЕН НАЛЗА
Пален налза, кузе Библий тӱрлӧ еҥлан полшен, кузе Библий лудмым оҥайым ышташ да тудым умылашлан молан полыш кӱлеш.
3. Библий илыш корно дене каяш полша
Библийым корным волгалтарыше фонарик дене таҥастараш лиеш. Тудо мыланна чын решенийым лукташ да мо мемнам ончыкыжым вуча ужаш полша.
Псалом 118:105 лудын лекса да нине йодыш-влакым лончылен налза:
-
Тиде псаломым возышын Библий шотышто могай ончалтышыже лийын?
-
Те Библий нерген мом шонеда?
4. Библий йодышна-влаклан вашмутым пуа
Ик ӱдырамашым шуко ий йодыш-влак тургыжландареныт. Вашмутым тудо Библийыште муын. ВИДЕОРОЛИКЫМ ончалза да ӱлнӧ возымо йодыш-влакым лончылен налза.
-
Тиде ӱдырамашын могай йодыш-влак лийыныт?
-
Библийым шымлымаш тудлан кузе полшен?
Библий йодышым пуэдаш тарата. Матфейын 7:7 лудын лекса да лончылен налза:
-
Те могай йодыш-влаклан вашмутым Библий гыч пален налнеда?
5. Библийым лудмаш оҥай лийын кертеш
Шуко еҥлан Библийым лудаш келша, вет тушто нуно шкаланышт шуко пайдале каҥашым муыт. ВИДЕОРОЛИКЫМ ончалза да ӱлнӧ возымо йодыш-влакым лончылен налза.
-
Тиде видеоролик гыч самырык-влак лудмаш нерген мом ойлат?
-
Молан нунылан Библийым лудаш келша?
Библий лыпландара да ӱшаным пуа. Римлян-влаклан 15:4 лудын лекса да тиде йодышым лончылен налза:
-
А те пален налнеда, могай ӱшаным Библий пуа да кузе тудо тендам лыпландарен кертеш?
6. Библийым умылашлан мыланна весе-влакын полшымышт кӱлеш
Мутат уке, Библийым шке семын лудаш пайдале, но весе-влак дене пырля тудым лончылымаш эше шукырак пайдам конда. Апост. пашашт 8:26—31 лудын лекса да лончылен налза:
-
Библийым умылаш мо полшен кертеш? (30 да 31 почеламут-влакым ончыза.)
Священный Возымашым умылашлан Эфиопийысе пӧръеҥлан полыш кӱлын. Тачат шуко еҥ весе-влакын полшымышт дене Библийым шымла
ИКТАЖ-КӦ КАЛАСЕН КЕРТЕШ: «Библийым шымлымаш жапым арам гына пытара».
-
А те кузе шонеда? Молан тыге шонеда?
ТӰҤ ШОНЫМАШ
Библийыште илышлан каҥашым, тӱҥ йодышлан вашмутым да лыпландарымаш ден ӱшаным муаш лиеш.
Ушештарымаш
-
Библийыште могай пайдале каҥаш-влакым возымо?
-
Библий могай йодыш-влаклан вашмутым пуа?
-
Библий гыч мом пален налмыда шуэш?
ЕШАРТЫШЛАН
Библийысе каҥаш-влак мыланна мыняр чот пайдале улыт, лудын лекса.
Ончен налза видеороликым, кузе Библий полшен ик пӧръеҥлан, кудо изинек эмоциональный нелылык дене орланен.
Пален налза, кузе Библий еш-влаклан пиалан лияш полшен кертеш.
Тӱням кӧ чынжымак вуйлата манме йодышлан Библий могай вашмутым пуа, пален налза.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
