7-ШЕ УРОК
Иегова. Тудо могай?
Иегова Юмо нерген шонкалымыда годым ушыштыда могай шонымаш лектеш? Очыни, те тудым чот пагаледа, но шонен кертыда: кузе шӱдыр-влак тендан деч пеш тора улыт, тыгак тудат пеш тораште. Але, тендан шонымаште, тудо личность огыл, а тӱтан мардеж семын куатле вий? Но чынжымак Иегова могай? Библий гоч Иегова шке койышыж-влак нерген палдара. Тыгак тудо мемнан верч тырша манын, тушто возымо.
1. Ме Юмым молан ужын огына керт?
«Юмо — тиде Шӱлыш» (Иоаннын 4:24). Иегован капше мемнан гай огыл. Тудо каваште илыше да ужаш лийдыме личность.
2. Иегован могай койышыж-влак улыт?
Ме Иеговам ужын огына керт, но тудо чынжымак личность. Юмым пален налмеке, ме тудым йӧраташ тӱҥалына, вет тудын моткоч сай койышыж-влак улыт. Библийыште возымо: «Юмо чын судым йӧрата да Шканже йӧрышӧ-шамычым огеш кодо» (Псалом 36:28). Тыгак Юмо «чот чаманыше да поро», поснак тудо орланыше-влакым чот чамана (Иаковын 5:11). Иегова ойгырышо-влаклан лишыл да ӱшаным йомдарыше-влаклан полшаш ямде (Псалом 33:19). Ме Иеговам куандарен але шӱлыкаҥден кертына манын, те паленда? Айдемын удам ыштымыже Иеговам шӱлыкаҥда да тудлан шӱм-чон корштымашым конда (Псалом 77:40, 41). А чын ыштыше айдеме тудым куандара. (Притчи 27:11 лудын лекса.)
3. Иегован мемнам йӧратымыже кушеч коеш?
Йӧратымаш — Иегован эн тӱҥ койышыжо. Библийыште возымо: «Юмо — тиде йӧратымаш» (1 Иоаннын 4:8). Иегован йӧратымашыже нерген Библий гыч гына огыл, а чыла ыштымыж гычат пален налаш лиеш. (Апост. пашашт 14:17 лудын лекса.) Шоналтыза, мутлан, кузе Юмо айдемым ыштен. Тудо мыланна тӱрлӧ тӱсым ужаш моштымашым пуэн, тыгак ме сылне музыкым колыштын да тӱрлӧ тамым шижын кертына. Илыш мыланна куаным кондыжо манын, Юмын кумылжо уло.
КЕЛГЫНРАК ШЫМЛЕН НАЛЗА
Ӧрыктарыше пашам ышташлан Иегова мом кучылтеш, пален налза. Вара ончен лекса, кузе Иегова шке чапле койышыж-влакым ончыкта.
4. Святой шӱлыш — Юмын куатле вийже
Иктаж-могай пашам ме кидна дене ыштена, а Иегова — святой шӱлышыж дене. Библийыште возымо дене келшышын, святой шӱлыш — тиде личность огыл, а Юмын вийже, кудыжлан кӧра Юмо чылажымат ышта. Лукан 11:13 да Апост. пашашт 2:17 лудын лекса да вашмутым пуыза:
-
Ме Юмо деч святой шӱлышым йодына гын, Юмо мыланна тудым пуа. Тугеже, кузе шонеда, святой шӱлыш — тиде личность але Юмын вийже? Молан тыге шонеда?
Ӧрыктарыше пашам ышташлан Иегова шке святой шӱлышыжым кучылтеш. Псалом 32:6 да 2 Петрын 1:20, 21 лудын лекса да вашмутым пуыза:
-
Шке святой шӱлышыжым кучылтын, Иегова мом ыштен?
5. Иегован койышыж-влак чапле улыт
Моисей Юмын ӱшанле служитлышыже лийын да Чылажымат Ыштыше нерген шуко пален. Туге гынат, Моисей тудым сайрак пален налнеже ыле. Сандене тудо Юмылан каласен: «Полшо мыланем тыйын корнетым палаш» (Исход 33:13). Вашешыже Иегова Моисейлан шкеж нерген каласкален пуэн. Исход 34:4—6 лудын лекса да вашмутым пуыза:
-
Иегова шкеж нерген Моисейлан мом каласкален пуэн?
-
Иегован могай койышыж-влак тыланда чотрак келшат?
6. Иегова еҥ-влак верч тырша
Акрет жапыште Юмын калыкше Египетыште кул семын лийын. Нунын орланымашыштым ужын, Иегова мом шижын? Библийысе почеламут-влакым лудмым эскерен, АУДИОВОЗЫШЫМ колышт налза але Исход 3:1—10 лудын лекса. Вара вашмутым пуыза.
-
Тиде почеламут-влак дене келшышын, еҥ-влакын орланымыштым ужын, Иегова мом шижеш? (7 да 8 почеламут-влакым ончыза.)
-
Кузе шонеда, Иегова еҥ-влаклан полшынеже мо да тидым ыштен кертеш мо? Молан тыге шонеда?
7. Пӱртӱс Иегован койышыж-влакым палдара
Иегован койышыж-влак нерген тудын ыштымашыж гыч пален налаш лиеш. ВИДЕОРОЛИКЫМ ончалза. Вара Римлян-влаклан 1:20 лудын лекса да вашмутым пуыза:
-
Иегован ыштымашыже-влак тудын нерген мом палдарат?
ИКТАЖ-КӦ КАЛАСЕН КЕРТЕШ: «Ме Юмым ужын огына керт, сандене тудын дене палыме лияш ок лий».
-
А те тидын нерген мом шонеда?
-
Молан тыге шонеда?
ТӰҤ ШОНЫМАШ
Иегова — ужаш лийдыме личность. Тудын шуко чапле койышыжо уло. Эн тӱҥжӧ — йӧратымаш.
Ушештарымаш
-
Молан ме Иеговам ужын огына керт?
-
Мо тыгай святой шӱлыш?
-
Иегован могай койышыж-влак улыт?
ЕШАРТЫШЛАН
Иегова дене сайрак палыме лияшлан тудын ныл тӱҥ койышыжо нерген пален налза.
Юмо чыла вереат лийын огеш керт. Тидым пеҥгыдемдыше факт-влакым ончен лекса.
Лудын налза, молан Библийыште святой шӱлыш Юмын кидше дене таҥастаралтеш.
Ик сокыр рвезе шонен, пуйто Юмо тудым огеш йӧрате. Пален налза, молан кӧра тудын шонымашыже вашталтын.
«Ындыжым мый весе-влаклан полшен кертам» («Орол башне» 1 октябрь, 2015 ий)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
