Юмо весе-влакым йӧраташ туныкта. Тугеже молан шкеныштым Юмын служитлышыжлан шотлышо религий-влак шуко осалым ыштат? Кӱчыкын каласаш гын, нине религий-влак шоя улыт, нуно Юмо нерген шоям шаркалат. Кузе нуно тидым ыштат? Юмо тидын нерген мом шона да ончыкыжым мом ышта?

1. Шоя религий шке туныктымашыж дене Юмым кузе шӱктара?

Шоя религий Юмо нерген чыным шояк дене алмаштен (Римлян-влаклан 1:25). Мутлан, Юмын лӱмжӧ уло манын, шуко религий огеш туныкто. Но Библий дене келшышын, Юмын лӱмжым кучылташ чот кӱлеш (Апост. пашашт 2:21). Ойго годым религиозный вуйлатыше-влак чӱчкыдын ойлат: «Тыге Юмо пӱрен». Но тиде шояк. Юмо осалым ыштен огеш керт. (Иаковын 1:13 лудын лекса.) Чаманаш логалеш, религиозный шояклан кӧра шуко еҥ Юмылан ӱшанымым чарна.

2. Шоя религий шке пашаж дене Юмым кузе шӱктара?

Иегова еҥ-влакым йӧрата, но шоя религий тудын семын огеш ыште. Библийыште возымо: «Тудын языкше пылпомышыш шумеш шуын» (Почмаш 18:5). Шуко курым мучко религиозный вуйлатыше-влак политикыш пурат да сар-влакым эртарымаште полшат. Шоя религийлан кӧра моткоч шуко еҥ колен. Южо религиозный вуйлатыше-влак поян илышым йӧратат. Ракатланен илашлан нуно черкыш толшо-влак деч оксам йодыт. Тиде ончыкта: нуно Юмым огыт пале да тудын представительже лияш нунын нимогай правашт уке. (1 Иоаннын 4:8 лудын лекса.)

3. Шоя религий шотышто Юмын ончалтышыже могай?

Шоя религий-влакын пашашт тыланда огеш келше гын, тугеже Иеговат мом шижеш? Тудо еҥ-влакым йӧрата, но религиозный вуйлатыше-влакын ыштымышт тудым шыдештара, вет нуно шоям шаркалат да еҥ-влак дене шкеныштым торжан кучат. Юмын сӧрымыжӧ почеш шоя религий пытарыме лиеш да уже нигунамат огеш лий (Почмаш 18:21). Вашке Юмо чыла шоя религийым курымешлан пытара (Почмаш 18:8).

 КЕЛГЫНРАК ШЫМЛЕН НАЛЗА

4. Юмылан чыла религий йӧрышӧ огыл

Шукышт шонат, пуйто религий-влак Юмо деке наҥгайыше тӱрлӧ корно гай улыт. Тиде чынжымак туге мо? Матфейын 7:13, 14 лудын лекса да вашмутым пуыза:

• Библий дене келшышын, могай корно илышыш наҥгая?

ВИДЕОРОЛИКЫМ ончалза да вашмутым пуыза:

• Библий туныкта мо, пуйто Юмылан чыла религий йӧрышӧ?

 6. Юмо еҥ-влакым шоя религий деч утарынеже

Почмаш 18:4 лудын лекса a да вашмутым пуыза:

• Шоя религий дене ондалалтше еҥ-влаклан Юмо полшынеже. Тидым пален налмеке, могай шижмашда лектеш?

7. Чын Юмо нерген пален налмыдам ида чарне

Шоя религийын пашажым ончен, Юмо нерген иктешлымашым ышташ чын мо? Шоналтыза тыгай ситуаций нерген. Эрге ачажын поро каҥашыжым огеш колышт, мӧҥгыж гыч лектын кая да уда пашам ышташ тӱҥалеш. Ачалан эргыжын пашаже огеш келше. Молан эргын ыштымыжлан ачажым титаклаш чын огыл?

• Шоя религийын осал пашам ыштымыжлан Юмым титаклаш чын мо? Шоя религийын пашажым ужын, молан те Иегова нерген шукырак пален налмыдам чарнышаш огыдал?

 ТӰҤ ШОНЫМАШ

Шоя религий шке туныктымашыж да осал пашаж дене Юмым шӱктара. Юмо шоя религийым пытара.

Ушештарымаш

• Шоя религийын пашаже да туныктымашыже нерген те мом шонеда?

• Иегова шоя религий нерген мом шона?

• Иегова ончыкыжым шоя религий дене мом ышта?