19-ШЕ УРОК
Иегован Таныкше-влак чын христиан улыт мо?
Ме, Иегован Таныкше-влак, чын христиан улына манын, пеҥгыдын ӱшанена. Туныктымашна моэш негызлалтеш, молан ме тыге лӱмдалтына да кузе икте-весе деке йӧратымашым ончыктена, пален налза.
1. Иегован Таныкше-влак шке туныктымашыштым моэш негызлат?
Иисусын каласымыж дене келшышын, Юмын Мутшо — тиде чын (Иоаннын 17:17). Иисус семынак Иегован Таныкше-влак туныктымашыштым Юмын Мутшо дене эре негызлат. Теве кызытсе историйна гыч ик пример. XIX курым мучаште икмыняр еҥ Юмын Мутшым тӱткын шымлаш тӱҥалын. Нуно черкын огыл, а Библийын туныктымыжлан ӱшанаш шонен пыштеныт. Вара нуно Библий гыч пален налме чыным вес еҥ-влаклан каласкалаш тӱҥалыныт a.
2. Молан ме Иегован Таныкше-влак манын лӱмдалтына?
Иегова шке служитлышыже-влакым танык-влак манын лӱмда, вет нуно тудын нерген чыным каласкалат (Еврей-влаклан 11:4—12:1). Ожно годым Юмо шке калыкшылан каласен: «Те мыйын таныкем-влак улыда». (Исайя 43:10 лудын лекса.) Иисус Христосым «ӱшанле таныклыше» манме (Почмаш 1:5). Сандене 1931 ийыште ме Иегован Таныкше-влак манме лӱмым налынна. Ме тиде лӱм дене кугешнена.
3. Кузе Иегован Таныкше-влак Иисус Христос семын йӧратымашым ончыктат?
Иисус шке тунемшыже-влакым чот йӧратен. Нуно тудлан еш семын лийыныт. (Маркын 3:35 лудын лекса.) Тидын семынак тӱня мучко Иегован Таныкше-влак ик кугу еш гай улыт. Сандене ме икте-весынам иза-ака манына (Филимонлан 1, 2). Тыгак мыланна пуымо кӱштымаш почеш ме чыла иза-шольо-влакым йӧратена (1 Петрын 2:17). Иегован Таныкше-влак иза-акашт-влакым йӧратымым тӱрлӧ ситуацийыште ончыктат, мутлан, пӱртӱс вий дене лийше эҥгек годымат.
КЕЛГЫНРАК ШЫМЛЕН НАЛЗА
Иегован Таныкше-влакын историйышт нерген шукырак пален налза да мемнан чын христиан улмынам пеҥгыдемдыше эше икмыняр доказательствым ончен лекса.
Чын христиан-влак туныктымашыштым Библиеш негызлат да весе-влаклан ӱшанымашышт нерген каласкалат
4. Чыла туныктымашна Библиеш негызлалтеш
Иегован ончылгоч каласымыже почеш еҥ-влак библийысе чыным эркын-эркын раш умылаш тӱҥалыт. Даниил 12:4 лудын лекса да вашмутым пуыза:
-
Юмын служитлышыже-влак Библийым тыршен шымленыт. Тидлан кӧра нунын коклаште мо шарлышаш ыле?
Пален налза, кузе Чарлз Расселл ден вес шымлыше-влак Библийым шымленыт. ВИДЕОРОЛИКЫМ ончалза да вашмутым пуыза:
-
Чарлз Расселл ден вес шымлыше-влак Библийым шымлыме годым могай методым кучылтыныт?
Паледа мо?
Жапын-жапын Библийын южо туныктымашыжым умылымашна вашталтеш. Молан? Примерым кондена. Мыняр чот кӱшкӧ кече нӧлталалтеш, тынар сайрак йырваш мо улмым ме ужын кертына. Библийысе чын денат тугак. Мыняр шукырак Юмо умылымашым пуа, тунар сайрак ме иктаж-могай туныктымашым умылена. (Притчи 4:18 лудын лекса.) Библий ок вашталт. Тиде ме умылымашнам вашталтена, кунам Библийым эше сайрак умылаш тӱҥалына.
5. Ме налме лӱмна дене келшышын илена
Молан ме Иегован Таныкше-влак лӱмым налынна? ВИДЕОРОЛИКЫМ ончалза да вашмутым пуыза:
-
Молан Иегован Таныкше-влак манме лӱм мыланна чот келшен толеш?
Молан Иегова еҥ-влак кокла гыч шкаланже танык-влакым ойырен? Нуно Юмо нерген чыным каласкалат, вет тудын нерген шуко шоям ойлат. Айста кок примерым ончалына.
Южо религий-влак туныктат, пуйто Юмо тудлан кумалмаште сӱрет ден статуй-влакым кучылтмым йодеш. Тиде чын мо? Левит 26:1 лудын лекса да вашмутым пуыза:
-
Идол-влак шотышто Иегован ончалтышыже могай?
Южо религий-влак туныктат, пуйто Иисус — тиде Юмо. Тиде чын мо? Иоаннын 20:17 лудын лекса да вашмутым пуыза:
-
Юмо ден Иисус ик личность улыт мо?
-
Иегован Таныкше лиймым, тыгак тудын да Эргыже нерген чыным каласкалымым те чаплан шотледа мо?
6. Ме икте-весынам йӧратена
Библий христиан-влакым айдеме капын тӱрлӧ ужашыж дене таҥастара. 1 Коринфян-влаклан 12:24—26 лудын лекса да вашмутым пуыза:
-
Мом чын христиан-влаклан ыштыман, кунам нунын иза-акашт ойго дене тӱкнат?
-
Иегован Таныкше-влак тыгай йӧратымашым ончыктат мо? Примерым кондыза.
Кунам Иегован Таныкше-влак ойго дене тӱкнат, вес эл-влак гыч Танык-влак нунылан вигак полшаш тыршат. Теве ик пример. ВИДЕОРОЛИКЫМ ончалза да вашмутым пуыза:
-
Кузе Иегован Таныкше-влакын весе-влаклан полшымышт йӧратымашыштым ончыкта?
Чын христиан-влак эҥгекыш логалше- влак деке йӧратымашым ончыктат
ИКТАЖ-КӦ КАЛАСЕН КЕРТЕШ: «Иегован Таныкше-влак — тиде ала-могай у религий».
-
Могай жап гыч Иегова шке служитлышыже-влакым танык-влак манеш?
ТӰҤ ШОНЫМАШ
Иегован Таныкше-влак чын христиан улыт. Ме тӱрлӧ калык гыч шогышо кугу еш улына. Туныктымашнам Библиеш негызлыме, да ме весе-влаклан Иегова нерген чыным каласкалена.
Ушештарымаш
-
Молан ме Иегован Таныкше-влак лӱмым налынна?
-
Кузе ме икте-весым йӧратымым ончыктена?
-
Те Иегован Таныкше-влакым чын христианлан шотледа мо?
ЕШАРТЫШЛАН
Историйна нерген шукырак пален налза.
«Иегован Таныкше-влак — ӱшанымаш ыштымаште коеш. 1-ше ужаш. Пычкемыш гыч лекмаш» (1:00:53)
Примерым ончалза, кузе Иегован Таныкше-влак шоя туныктымашым тӱжваке луктыт.
Иегован Таныкше-влак нерген чӱчкыдын пуэдыме йодыш-влаклан вашмутым налза.
«Иегован Таныкше-влак нерген чӱчкыдын пуэдыме йодыш-влак» (сайтыште рубрике)
Стивен вес калык гыч еҥ-влак дене кредалын. Пален налза, кузе Иегован Таныкше-влакын примерышт тудым вашталташ таратен.
«Мый уда илыш корно дене каенам» («Орол башне» 1 июль, 2015 ий)
a Мемнан тӱҥ журнална, «Орол башне», тӱрыснек Библиеш негызлалтеш да 1879 ий гыч савыкталтеш.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
