22-ШО УРОК
Кузе весе-влак дене Библий нерген мутланаш?
Очыни, Библийым шымлыме годым те шонен кертыда: «Тидын нерген кажне айдеме пален налшаш!» Чынак, кажныжлан тидым пален налман. Но, очыни, те весе-влаклан Библий нерген каласкалаш лӱдыда. Айста лончылен налына, мо лӱдмашым сеҥаш полша да кузе Библий нерген мутланыме деч куаным налаш.
1. Библий гыч пален налмыда нерген лишыл-влаклан кузе каласкалаш?
Теве мом Иисусын тунемшыж-влак каласеныт: «Мом ужмына да мом колмына нерген ме ойлыде огына керт» (Апост. пашашт 4:20). Нуно Иисус деч пален налмылан чот куаненыт да тидын нерген чылаштлан каласкалаш кумылышт лектын. Тенданат тыгай кумылда уло мо? Уло гын, лишылда-влаклан пален налме нерген порын каласкалаш йӧным кычалза. (Колоссян-влаклан 4:6 лудын лекса.)
Кузе тӱҥалаш
-
Родо-влак дене мутланыме годым каласаш лиеш: «Тиде арняште мылам ик шонымаш келшыш».
-
Йолташда черланен але иктаж-мо верч ойгыра гын, келшен толшо библийысе почеламутым тудлан колтыза але лудын пуыза.
-
Кунам пашам пырля ыштыше-влак кузе илышда кая манын йодыт, Библийым шымлымаште але вашлиймаште пален налме нерген нунылан каласкален пуыза.
-
Йолташ-влаклан jw.org сайтым ончыктыза.
-
Весе-влакым Библийым шымлымашкыда ӱжса але нунылан ончыктыза, кузе jw.org сайт гоч Библий шымлымашым йодаш.
2. Молан погынымаш дене пырля таныклаш цельым шындаш кӱлеш?
Иисусын тунемшыже-влак палымышт-влаклан гына огыл поро уверым каласкаленыт. Иисус нуным шкеж деч ончыч «кажне олашке, кажне верышке... кокыт дене» таныклаш колтен (Лукан 10:1). Тидлан кӧра поро уверым шукырак еҥ колын кертын. Пырля служитлымаш тунемшыж-влаклан кугу куаным конден (Лукан 10:17). А те погынымаш дене пырля таныклаш цельым шынден кертыда мо?
КЕЛГЫНРАК ШЫМЛЕН НАЛЗА
Пален налза, кузе лӱдмашым сеҥаш да кузе Библий нерген мутланыме деч куаным налаш.
3. Иегова тыланда полша
Таныклаш шонышо южо еҥ-влак тургыжланен кертыт, могай реакций нунын мутыштлан лиеш але мом нунын нерген шонаш тӱҥалыт.
-
Те Библий гыч пален налме нерген каласкалаш лӱдыда мо? Молан?
ВИДЕОРОЛИКЫМ ончалза да вашмутым пуыза.
-
Кузе нине самырык Танык-влак лӱдмашыштым сеҥеныт?
Исайя 41:10 лудын лекса да вашмутым пуыза:
-
Таныклаш лӱдыда гын, тыланда кумалтыш мут кузе полшен кертеш?
Паледа мо?
Иегован Таныкше-влак коклаште шуко тыгай еҥ уло, кӧ ончыч таныклаш чот лӱдын. Мутлан, Сергей шкенжым йӧрдымылан шотлен, да тудлан еҥ-влак дене мутланаш йӧсӧ лийын. Но вара тудо Библийым шымлаш тӱҥалын. Тудо ойла: «Лӱдмашым ончыде, мый еҥ-влаклан пален налме нерген каласкалаш тӱҥалынам. Мыйым теве мо ӧрыктарен: таныклен, мый вожылмашым сеҥенам. Тыгак тиде ӱшанымашемым пеҥгыдемден».
4. Весе-влакым пагалыза
Кунам иктаж-кӧ дене Библий нерген мутланеда, мом ойлаш гына огыл, тыгак кузе тидым каласаш шоныза. 2 Тимофейлан 2:24 да 1 Петрын 3:15 лудын лекса да вашмутым пуыза:
-
Весе-влак дене Библий нерген мутланымыда годым нине почеламут-влак гыч каҥаш-влакым кузе кучылтын кертыда ыле?
-
Кунам родо ден йолташ-влак тендан ойлымыда дене огыт келше, кузе шкем кучаш? Мом ышташ огеш кӱл?
-
Айдемылан мо́лан ӱшанаш кӱлеш ойлымо олмеш молан лучо тудлан тыматлын йодыш-влакым пуэдыман?
5. Библий нерген мутланымаш куаным конда
Иегова Иисуслан поро уверым каласкалаш кӱштен. Иисус тиде пашам кузе ончен? Иоаннын 4:34 лудын лекса да вашмутым пуыза:
-
Пайдале, тамле кочкыш илышлан вийым пуа да куаным конда. Юмын эрыкшым шуктымым, мутлан, поро уверым каласкалымым, Иисус кочкышым кочмо дене молан таҥастарен?
-
Тендан шонымаште, поро уверым каласкалымаш могай пайдам конда?
Пайдале каҥаш-влак
-
Арня покшелне вашлиймаш годым тыгай шонымашлан вниманийдам ойырыза, кудышт Библий нерген мутланымым тӱҥалаш полшат.
-
Арня покшелне вашлиймаште тунемме заданий-влак дене лекташлан мом ышташ кӱлеш, пален налза. Тыгай тунеммаш моштымашда-влакым саемдаш полша.
-
«Иктаж-кӧ каласен кертеш» да «Иктаж-кӧ йодын кертеш» манме рамке-влакым кучылтса. Нуно тыланда чӱчкыдын пуэдыме йодыш-влаклан да ваштареш пелештымылан вашешташ полшат.
ИКТАЖ-КӦ ЙОДЫН КЕРТЕШ: «Кузе илет?»
-
Библий гыч пален налме нерген каласкалашлан те кузе тиде йӧным кучылтын кертыда ыле?
ТӰҤ ШОНЫМАШ
Библий нерген мутланымаш куаным конда, а мутланымым тӱҥалаш чынжымак йӧсӧ огыл.
Ушештарымаш
-
Молан поро уверым весе-влаклан каласкалаш кӱлеш?
-
Тыгодым кузе пагалымашым ончыкташ?
-
Кузе лӱдмашым сеҥаш?
ЕШАРТЫШЛАН
jw.org визитный картычкым кучылтын, поро уверым кузе каласкалаш лиеш, ныл йӧным ончен лекса.
Пален налза, могай ныл койыш Библий гыч поро уверым каласкалаш полша.
«„Айдемым кучышо“ лияш ямде улыда мо?» («Орол башне» сентябрь, 2020 ий)
Ончалза, кузе Библий изи йоча-влакланат полшен кертеш Юмо нерген лӱдде каласкалаш.
Кузе родо-влак дене, кудышт Иегова нерген эше нимомат огыт пале, Библий нерген мутланен налаш.
«Кузе ӱшаныдыме родо-влакын шӱмыштым тарваташ» («Орол башне» 15 март, 2014 ий)
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
