38-ШЕ УРОК
Илыш — тиде пӧлек
Илыш — тиде шуко куаным кондышо чапле пӧлек. Тӱрлӧ нелылык ден тӱкнена гынат, мемнан садак куанашлан амал-влак улыт. Илышым аклымынам кузе ончыктен кертына? Тиде пӧлекым аклашлан могай эн тӱҥ амал уло?
1. Молан илышым аклыман?
Илышым аклаш кӱлеш, вет тудо — йӧратыше Иегова Ачана деч пӧлек. Юмо — «илышым пуышо памаш», вес семынже, тудо чылажымат ыштен (Псалом 35:10). Юмо «чылалан илышым, шӱлышым да молымат пуа» (Апост. пашашт 17:25, 28). Иегова мыланна илашлан чыла кӱлешаным пуа. Тыгак илыш мыланна куаным кондыжо манын, тудо чылажымат ышта. (Апост. пашашт 14:17 лудын лекса.)
2. Илышлан Иеговам кузе таушташ?
Илышда ава кӧргыштӧ тӱҥалме гычынак Иегова тендам йӧрата. Давид лӱман Юмын служитлышыже тудлан каласен: «Иланымем годымак тый мыйым ужынат» (Псалом 138:16). Иегова илышдам чот акла. (Матфейын 10:29—31 лудын лекса.) Тудын чонжо чот коршта, кунам иктаж-кӧ шкенжын але вес еҥын илышыжым кӱрлеш (Исход 20:13) a. А эше Иеговам шӱлыкаҥда, кунам айдеме шке илышыжлан але вес еҥ-влакын илышыштлан лӱдыкшым ышта. Шкенан але весе-влакын илышыштым аралаш тыршена гын, Иегован чапле пӧлекшым аклымым ончыктена.
КЕЛГЫНРАК ШЫМЛЕН НАЛЗА
Кузе те илышлан Юмым тауштен кертыда, пален налза.
3. Тазалыкдам аралыза
Юмылан ӱшанле лияш сӧрышӧ христиан илышын чыла ситуацийыштыже Иегован шонымыжым шотыш налеш. Каласаш лиеш, тудо Юмылан капшым святой надыр семын пуа. Римлян-влаклан 12:1, 2 лудын лекса да вашмутым пуыза:
-
Тазалыкдам аралаш тендам мо таратышаш?
-
Тидым те кузе ыштен кертыда?
4. Шкендан да весе-влакын илышыштым аралыза
Библий мемнам тӱрлӧ эҥгек деч, эсогыл колымашым конден кертше ситуаций-влак деч, кораҥаш тарата. ВИДЕОРОЛИКЫМ ончалза да кузе шкенам да весе-влакым аралаш, пален налза.
Притчи 22:3 лудын лекса да каласыза, кузе шкенам да весе-влакым аралаш:
-
мӧҥгыштӧ;
-
пашаште;
-
спортивный занятий годым;
-
транспортышто водитель але пассажир семын лийме годым.
5. Шочдымо йочан илышыжым аклыза
Иегова шочдымо йочан илышыжым да кушмыжым тӱткын онча. Давид тидын нерген поэт мут дене сылнын каласен. Псалом 138:13—17 лудын лекса да вашмутым пуыза:
-
Иегован шонымаште, айдемын илышыже кунам тӱҥалеш: ава кӧргыштӧ иланымеке але шочмеке гына?
Акрет годсо Израильыште Иегован законжо-влак авам да тудын шочдымо йочажым араленыт. Исход 21:22, 23 лудын лекса да вашмутым пуыза:
-
Иктаж-кӧ шочдымо йочан илышыжым лӱмын огыл кӱрлын гын, Иегова тидым кузе ончен?
-
Иктаж-кӧ шочдымо йочан илышыжым лӱмын кӱрлеш гын, Иегова мом шижеш? b
-
Юмын тыгай ончалтышыже нерген те мом шонеда?
Южо ӱдырамаш-влак илышым пагалат гынат, шонен кертыт, пуйто аборт гына ситуацийыштым тӧрлатен кертеш. Исайя 41:10 лудын лекса да вашмутым пуыза:
-
Ӱдырамашлан абортым виеш ыштыктынешт гын, тудо кӧ деч полышым йодшаш? Молан?
ИКТАЖ-КӦ КАЛАСЕН КЕРТЕШ: «Ӱдырамашын абортым ышташ праваже уло, вет тиде тудын капше, тудо шке решатла».
-
Иегова аван да шочдымо йочан илышыштым акла манын, тендам мо ӱшандара?
ТӰҤ ШОНЫМАШ
Илыш — Иегован пӧлекше. Библий мемнам шкенан да вес еҥ-влакын илышыштым йӧраташ, пагалаш да аралаш туныкта.
Ушештарымаш
-
Молан Иегова айдемын илышыжым акла?
-
Иктаж-кӧ айдемын илышыжым лӱмын кӱрлеш гын, Иегован могай шижмашыже лектеш?
-
Молан те илышым акледа?
ЕШАРТЫШЛАН
Илышлан Иеговам кузе таушташ?
Ӱдырамаш абортым ыштен гын, Юмо тудым проститлен кертеш мо?
Илыш шотышто Юмын ончалтышыже мыланна канымашым ойырен налаш кузе полша?
«„Экстремальный спорт“. Тыгай спорт деч кораҥаш кӱлеш мо?» («Помыжалтса!» 8 октябрь, 2000 ий)
Айдемын шкем пушташ шонымашыже лектеш гын, Библий кузе полшен кертеш?
«Илымем ок шу. Шкем пушташ шонымаш лекме годым Библий полшен кертеш мо?» (веб-статья)
a Иегова шӱлыкаҥше-влак верч чот тургыжлана (Псалом 33:19). Тыгай еҥ-влакын шкем пушташ шонымашат лектын кертеш. Юмо нунын ойгырымыштым пала да нунылан чот полшынеже. Кузе Юмо тыгай шонымашым сеҥен лекташ полша пален налашлан тиде урокын «Ешартышлан» рамке гыч «Илымем ок шу. Шкем пушташ шонымаш лекме годым Библий полшен кертеш мо?» статьям лудын лекса.
b Ӱдырамаш ала-кунам абортым ыштен гын, тудлан шкем титаклаш огеш кӱл, вет Иегова тудым проститлен кертеш. Шукырак информацийым тиде урокын «Ешартышлан» рамке гыч «Библийыште аборт нерген мом возымо?» статьяште муаш лиеш.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
