46-ШО УРОК
Молан Юмылан ӱшанле лияш сӧрымашым пуаш да тынеш пураш кӱлеш?
Иеговалан ӱшанле лияш сӧрымашым пуымаш — тиде ойыртемалтше кумалтыш мут. Тыгай кумалтыш мутышто айдеме Юмын эрыкшым илышыште эн тӱҥ верыш шындаш да тудлан гына кумалаш сӧра (Псалом 39:9). Вес ошкыл — тынеш пурымаш. Тидлан кӧра весе-влак Иеговалан пуымо сӧрымыдам ужыт. Иеговалан ӱшанле лияш сӧрымаш — тиде илышыште эн тӱҥ решений. Тыгай решенийым лукташ мо таратышаш?
1. Юмылан ӱшанле лияш сӧрымашым пуаш айдемым мо тарата?
Иеговалан ӱшанле лияш сӧрымашым пуаш мемнам йӧратымаш тарата (1 Иоаннын 4:10, 19). Библийыште возымо: «Юметым уло шӱмет, уло чонет, уло умылымашет, уло виет дене йӧрате» (Маркын 12:30). Юмым йӧратымым ме мут дене гына огыл, паша денат ончыктена. Мутлан, пӧръеҥ ден ӱдырамаш икте-весыштым чынжымак йӧратат гын, нуно мужыраҥыт. Тидын семынак ме Иеговам чынжымак йӧратена гын, тудлан ӱшанле лияш сӧрена да тынеш пурена.
2. Иегова тынеш пурышо служитлышыже-влакым кузе суапландара?
Тынеш пурымо деч вара те Иегован пиалан ешышкыже ушнеда. Те ужыда, мыняр чот Иегова тендам йӧрата, да тудын дек эше лишылрак лийыда. (Малахия 3:16—18 лудын лекса.) Тендан кавасе Ача гына огыл, тыгак уло тӱня мучко илыше иза-ака-влак лийыт, кудышт Иеговам да тендам йӧратат. (Маркын 10:29, 30 лудын лекса.) Тынеш пурашлан тыгай ошкыл-влакым ыштыман: Иеговам сайрак палаш, тудым йӧратен налаш да Эргыжлан ӱшанаш. Тиддеч вара Иеговалан ӱшанле лияш сӧрымашым пуыман. Нине ошкыл-влакым ыштен да тынеш пурен, те курымашлык илышыш наҥгайыше корныш шогалыда. Юмын Мутыштыжо возымо дене келшышын, тынеш пурымаш тендам утара (1 Петрын 3:21).
КЕЛГЫНРАК ШЫМЛЕН НАЛЗА
Пален налза, молан Иеговалан ӱшанле лияш сӧрымашым пуаш да тынеш пураш кӱлеш.
3. Шоналтыза, кӧлан те служитлаш тӱҥалыда
Акрет годсо Израильыште южо еҥ-влак шоненыт, пуйто Иеговаланат, шоя Ваал юмыланат кумалаш лиеш. Но нунын йоҥылыш улмыштым ончыкташлан Иегова Илия пророкшым колтен. 1 Царей 18:21 лудын лекса да вашмутым пуыза:
-
Нине израильтян-влаклан могай решенийым лукташ кӱлын?
Саде израильтян-влак семынак меат кӧлан служитлаш решенийым лукшаш улына. Лукан 16:13 лудын лекса да вашмутым пуыза:
-
Молан Иеговалан да тунамак эше иктаж-кӧлан але иктаж-молан кумалаш огеш лий?
-
Ме Иеговалан служитлымым ойырен налына манын, кузе ончыкташ?
4. Шонкалыза, мыняр чот Иегова тендам йӧрата
Иегова мыланна шуко шергакан пӧлекым пӧлеклен. А ме тудлан вашешыже мом пуэн кертына? ВИДЕОРОЛИКЫМ ончалза.
Кузе Иегова лач тыланда шке йӧратымашыжым ончыктен? Псалом 103:14, 15 да 1 Иоаннын 4:9, 10 лудын лекса да вашмутым пуыза:
-
Поснак могай пӧлек-влаклан те Иеговам тауштеда?
-
Нине пӧлек-влак нерген шонкалымыда годым могай шижмашда лектеш?
Кунам иктаж-кӧ мыланна келшыше пӧлекым ышта, тудым тауштымына шуэш. Второзаконие 16:17 лудын лекса да вашмутым пуыза:
-
Иегован пуымо пӧлекше-влак нерген шонкален, вашешыже мом ыштымыда шуэш?
5. Иеговалан ӱшанле лияш сӧрымаш шуко суапым конда
Шукышт шонат, пуйто кумдан палыме лиймаш, чапым кондышо паша да шуко окса нуным пиаланым ыштат. Но тиде чынжымак туге мо? ВИДЕОРОЛИКЫМ ончалза да вашмутым пуыза:
-
Тиде пӧръеҥ футболым йӧратен гынат, молан футбольный спортым коден?
-
Тудо икымше верыш футболым огыл, а Иеговам шындаш шонен пыштен. Кузе шонеда, тудо чын ыштен мо? Умылтарыза.
Апостол Павел христиан лийме деч ончыч карьерым ышташ тыршен. Кумдан палыме туныктышо тудым иудейысе законлан туныктен. Но христиан лияшлан Павел чылажымат коден. Тыгай илышым ойырен налын манын, тудо чаманен мо? Филиппысе-влаклан 3:8 лудын лекса да вашмутым пуыза:
-
Молан Павел христиан лийме деч ончыч чыла ыштымыжым йӧрдымылан але шӱклан шотлен?
-
Тудо могай суапландарымашым налын?
-
Кузе шонеда, мо сайрак: Иеговалан служитлымаш але моло цель-влакым шуктымаш? Умылтарыза.
Христиан лияшлан Павел шукым коден, но суапландарымашыже шукырак лийын
ИКТАЖ-КӦ КАЛАСЕН КЕРТЕШ: «Библий почеш илаш кӱлеш манын умылем, но тидлан уло илышым пуаш мый ямде омыл».
-
Кузе шонеда, молан Иеговалан служитлымылан уло илышым пуаш кӱлеш?
ТӰҤ ШОНЫМАШ
Иеговам йӧратымаш мемнам тудлан ӱшанле лияш сӧрымашым пуаш да тынеш пураш тарата.
Ушештарымаш
-
Молан ме Иеговам уло шӱм дене йӧратышаш да тудлан гына кумалшаш улына?
-
Иегова тынеш пурышо служитлышыже-влакым кузе суапландара?
-
Ӱмыр мучко Иеговалан служитлымыда шуэш мо?
ЕШАРТЫШЛАН
Молан оперный мурызо да профессиональный спортсмен Иеговалан служитлымым ойырен налыныт?
«Самырык-влакын йодышышт. Могай илыш корным ойырен налаш? Эртен кодшым шарналтымаш» (6:54)
Иеговалан служитлымым ойырен налаш могай эше амал-влак улыт?
«Молан Иеговалан ӱшанле лияш сӧрымашым пуыман?» («Орол башне» 15 январь, 2010 ий)
Ончалза, могай куаным Иеговалан служитлымым ойырен налмаш конда.
«Шуко ий мый йодынам: „Молан ме илена?“» биографий гыч те пален налыда, молан ик ӱдырамаш илышыште эн тӱҥ нерген шонкалаш тӱҥалын.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
