Кунам айдеме уло шӱм дене йодышым пуа але иктаж-могай туныктымашнам умылтараш йодеш, тунам ме куан дене мутланымашнам шуена. Очыни, тиде айдеме курымашлык илышым налаш йӧрышӧ (Ап. паш. 13:48).

Но айдеме шыдешка, ӱчашаш тырша але тудын мемнан дене мутланымыже ок шу гын, кузе лияш? Мутланымашым порын да тыматлын кошартыза (Прит. 17:14). Пагален ойлыза да айдемын шижмашыжым шотыш налза. Очыни, тидлан кӧра мемнан дене вес гана мутланаш тудын кумылжо лектеш (1 Пет. 2:12).