Шымлыме деч ончыч

1. 1. Сайын ямдылалтса. Тыгодым шымлыше еҥын кӱлешлыкше, ӱшанымашыже да илыш обстоятельстве нерген шоналтыза. Ужаш тыршыза, могай шонымашым тудлан умылаш але кучылташ неле лиеш. Шоналтыза, «Ешартышлан» рамке гыч материал тудлан мо дене пайдале лиеш да, кӱлеш гын, тиде материалым шымлыме годым кучылташ ямде лийза.

Шымлыме годым

1. 2. Шымлыше тореш огыл гын, шымлымашын тӱҥалтыштыже да мучаште кумалза.

2. 3. Шуко ида ойло. Пособий гыч материалым кучылтса да шымлышылан шке шонымыжым ойлаш йӧным пуыза.

3. 4. Кунам у кыдежым тӱҥалыда, тудын цельжым лудын лекса да икмыняр урокын лӱмжым палемдыза.

4. 5. Кунам кыдежым кошартеда, ушештарымашлан йодыш-влакым кучылтса. Тиде шымлышылан пален налмым сайрак шарнаш полша.

5. 6. Кажне шымлымаште кӱлеш:

   1. а) Урокын тӱҥалтыште абзац-влакым лудаш.

   2. б) «Лудын лекса» манын палемдыме почеламут-влакым лудаш.

   3. в) Кӱлеш гын, абзацыште кондымо вес почеламут-влакым лудаш.

   4. г) «Ончалза» манын палемдыме чыла видеороликым ончаш (йӧн уло гын).

   5. д) Шымлышылан урокышто чыла возымо йодышым пуаш.

   6. е) «Келгынрак шымлен налза» кыдежыште улшо сӱрет-влакым ончен лекташ да шымлышылан сӱрет дене кылдалтше йодыш-влакым пуаш.

   7. ж) Шымлышылан шке духовный кушмыжым эскераш полшашлан «Цель-влак» рамкым кучылташ. Рамкыште кондымо цельым але вес цель-влакым шындаш тудым тараташ лиеш.

   8. з) Шымлыше деч йодаш, ямдылалтме годым «Ешартышлан» рамке гыч могай статья але видеоролик тудлан поснак келшен.

   9. и) Ик шымлымаште ик урокым эрташ тыршаш.

Шымлыме деч вара

1. 7. Шымлыше нерген эре шоныза. Тудын тыршымыжым суапландараш Иеговам йодса. Тыгак шымлышылан кузе полшаш умылашлан Иеговалан уш-акыл нерген кумалза.