3 УЖАШ
Рай мландыште могай илыш лийын?
Иегова Адам ден Евалан сай илышлан чыла пуэн. Бытие 1:28, УТ
Иегова икымше ӱдырамашым, Евам, ыштен да Адамлан вате семын пуэн (Маркын 10:6, 7).
Иегова айдемым чыла шотыштат ситыдымаш деч посна ыштен.
Адам ден Еван илыме верышт, Эдемысе сад, пешак мотор лийын. Тушто эҥер йӧген, тӱрлӧ саскам кондышо пушеҥге-влак кушкыныт да янлык-влак лийыныт.
Иегова нунын дене кутырен да нуным туныктен. Адам ден Ева Иеговам колыштыт ыле гын, Рай мландыште курымеш илаш кодыт ыле.
Юмо ик пушеҥге гыч гына саскам кочкаш чарен. Бытие 2:16, 17, УТ
Ик суксо Юмо ваштареш шогалын. Тиде осал суксо Сотана Ия лийын.
Иегова Адам ден Евалан ик пушеҥгым ончыктен да тудын саскажым кочкаш чарен. Тудо нуным шижтарен: «Кочкыда гын, коледа».
Сотана Ия, Адам ден Ева Иегован мутшым ынышт колышт манын, шонен. Сотана кишке гоч Евалан каласен, пуйто саскам кочмеке, тудо огеш коло, а Юмо гай лиеш. Мутат уке, тиде шояк лийын (Бытие 3:1—5, УТ; 1 Тимофейлан 2:14).
Тыгак тыланда оҥай лийын кертеш
ТӰҤ БИБЛИЙЫСЕ ТУНЫКТЫМАШ-ВЛАК
Молан Юмо мландым ыштен?
Мландына пеш чаплын ыштыме. Тудым Кече деч мыняр кӱлеш, тунарлан тора верландарыме, тыгак тудын пӧрдмӧ писылыкшымат, пӧрдмӧ рӱдын тайналтмыжымат кӱлешан ыштыме. Планетнам ышташ манын, молан Юмо тынар шуко вийжым пыштен?
