• Кузе мыланна илышым аклаш кӱлеш? (1) аза кудалтымашым? (1)
• Кузе христиан-влак эҥгек лийме деч эскералтыт? (2)
• Вольыкым пуштедаш лиеш мо? (3)
• Могай койыш кучымаште илышым аклыдымаш коеш? (4)
• Вӱр нерген Юмын законыштыжо мо ойлалтеш? (5)
• Вӱрым пуымаш нергенат законышто ойлалтеш мо? (6)

¹ Иегова — илышым Пуышо. Чыла чонан шке илышыжлан кӧра Юмым тауштышаш (Псалом 35:10). Юмын шинчаончылныжо илыш священный. Ава мӱшкырыштӧ улшо, эше шочдымо азан илышыжат Иеговалан чот шерге. Мӱшкырыштӧ кушшо азам лӱмынак пуштмаш — Юмын шинчаончылныжо осал паша (Моисейын 2 кнагаже 21:22, 23; Псалом 126:3).

Юмылан йӧрнена гын, ме вӱрым колтымаш, яндар огыл шкем кучымаш, шотлан толдымо пӱсӧ шижмашлыкым ышташ тӧчымаш дечын кораҥын шогышаш улына.

² Чын христиан-влак эҥгек лийдымашлан тыршен шогат. Машина дене кудалыштмаш да мӧҥгыштӧ илымаш лӱдыкшӧ ынже лий манын, нуно тыршат (Моисейын 5 кнагаже 22:8). Юмылан служитлыше-влак келанымашлан але шотлан толдымо пӱсӧ шижмашлыклан кӧра гына шке илышыштым эҥгекыш огыт шуктыл. Сандене нуно вийешлымаш спорт деке кумылаҥын огыт шого, кушто еҥ-влаклан лӱмынак зиян ышталтеш. Нуно ӧкымлымашлан таратен шогышо веселан жапым эртарымаш деч кораҥын шогат (Псалом 10:5; Иоанн 13:35).

³ Вольыкын илышыжат Ыштышын шинчаончылныжо тугак шергакан. Христиан-влак шкеланышт кочкыш але вургем кӱлешым ситарашлан, тугак черым да эҥгекым кораҥдашлан вольыкым пуштын кертыт (Моисейын 1 кнагаже 3:21; 9:3; Моисейын 2 кнагаже 21:28). Но вольыкым индыраш да спортивный оҥайлыклан верч але веселалан кӧра пуштедаш — йоҥылыш (Туштен каласымаш 12:10).

⁴ Тамакым шупшаш, арекын нӧшмыжым пураш да келанымашлан кӧра наркотикым кӧргыш налаш христиан-влаклан огеш лий. Чыла тидым ышташ — уда, молан манаш гын 1) тыгай койыш-влаклан тунеммаш кепшылта, 2) тажалыклан эҥгекым кондат и 3) яндар огытыл (Римлян-влак 6:19; 12:1; 2. Коринфян-влак 7:1). Тыгай койыш-влак деч ойырлаш пеш йӧсӧ лиеда. Но Иеговалан йӧрашлан тидым ышташ кӱлеш.

⁵ Юмын шинчаончылныжо вӱр тыгак шергакан. Вӱрыштӧ чон, але илыш манын Юмо ойла. Вӱрым кочкышыш кучылташ йоҥылыш лиеш. Тыгак шӱшкылмӧ вольык гыч вӱр чыла йоген пытен огыл гын, тыгай шылым кочкаш ок йӧрӧ. Вольык пич каен але капканеш колен гын, тудымат кочкаш огеш лий. Тудым умдо ден шуралтеныт але пычал ден пуштыныт гын, вольык гыч писын чыла вӱржым йоктарымеке гына кочкаш лиеш (Моисейын 1 кнагаже 9:3, 4; Моисейын 3 кнагаже 17:13, 14; Апост. пашашт 15:28, 29).

⁶ Вӱрым весылан пуаш огеш лий мо? Шарныза: Иегова вӱрым кучылташ огеш кӱштӧ. Тидыже лиеш, вес еҥ дечын налме вӱрым да тыгак шкенан дечын налме вӱрымат, кудо иктаж-кушто аралалталтын, ме шке капышкына нимогай амал денат колтышаш огынал (Апост. пашашт 21:25). Садлан чын христиан-влак вӱрым шке капышкышт колташлан тореш улыт. Нуно моло тӱкӧ эмлымаш дене келшат, мутлан, вӱрдымӧ препаратым колташ. Христиан-влак илынешт, но шке илышыштым Юмын законжым пудыртымо гоч утарен кодаш тӧчаш огыт тӱҥал (Матвей 16:25).