• Молан кумалаш тунеммаш кӱлеш? (1)
• Кӧлан и кузе кумалаш кӱлеш? (2, 3)
• Мо нерген кумалаш чын лиеш? (4)
• Кунам кумалаш кӱлеш? (5, 6)
• Чыла кумалме мутым Юмо колыштеш мо? (7)

¹ Кумалмаш мут — тиде Юмо дене шыман мутланымаш. Юмылан кумалмашым тунеммыш пурташ кӱлеш. Тыге тый тудын дене шергакан йолташ семын лишыл лият. Иегова моткоч чот кугу да пеш виян гынат, тудо мемнан кумалмынам колыштеш! Юмылан тый эреак кумалат мо? (Псалом 64:3; 1. Фессалоникиец-влак 5:17).

² Кумалмаш мут — кумал илымашын ужашыже. Сандене Иегова Юмылан гына кумалаш кӱлеш. Мланде ӱмбалне улмыжо годым Исус, ала-кӧлан весылан огыл, а эре шке Ачажлан гына кумалын. Меат тидымак ыштышаш улына (Матвей 4:10; 6:9). Туге гынат, чыла кумалме мутым Исус лӱмеш каласаш кӱлеш. Тидын дене ме Исусын положенийжым пагалена да тудын сулен налме надыржылан ӱшанымынам ончыктена (Иоан 14:6; 1. Иоаннын 2:1, 2).

³ Юмылан кумалме годым ме уло чон дене мутланышаш улына. Кумалме мутым ме наизусть пелештышаш але кумалме мут книга гыч лудшаш огынал (Матвей 6:7, 8). Кеч-могай верыште, кеч-могай жапыште, шкем кучымаште пагалымашым ончыктен, тӱрлӧ семын кумалаш лиеш. Шке семын чонышто гына кумалмымат Юмо колеш (Кугыжаныш-влак 1 кнага 1:12, 13). Шке кумалмашетлан улак верым муаш сай (Марк 1:35).

⁴ Мо нерген кумалаш лиеш? Чыла нерген, мо тудын дене келшымаште шотлан толеш (Филиппиец-влак 4:6, 7). Ончыктен пуымо кумалмаш мут гыч ужына: Иегован лӱмжӧ да Тудын шонымашыже нерген кумалаш кӱлеш. Тыгак илышлан кӱлшӧ полыш нерген, сулыкым касарымаш нерген да чон алгаштарыме деч чытымаш нерген полышым йодаш лиеш (Матвей 6:9—13). Кумалме мут-влак шкан пайдам налаш шонымашан лийшаш огытыл. Мо Юмын кумылжо дене келшен толеш, тудын нерген гына кумалаш лиеш (1. Иоанн 5:14).

⁵ Кунам тыйын шӱмет Юмым таушташ да мокташ тарата, эре тыгодым кумалаш лиеш (Паралипоменон 1 кнага 29:10—13). Кумалаш кӱлеш илыш саман годым да кунам тыйын юмылан ӱшанымашет тергалтеш (Псалом 54:23; 119:1). Кочмо деч ончыч кумалаш чын лиеш (Матвей 14:19). Иегова «эре» кумалаш кумылаҥда (Ефесян-влак 6:18).

⁶ Неле сулыкым ыштымекет, поснак кумалаш кӱлеш. Тыгай годым Иеговам порылыкшо да сулыкым касарымыже нерген сӧрвалаш кӱлеш. Сулыкет нерген тый тудын ончылно чоным почын каласкалет гын, да уло кертмет дене угыч ышташ огыл манын тыршет гын, тунам Юмо тый декет «кумылан» лиеш (Псалом 86:5, «Тошто да У сугыньын Священный книгашт» 1922 ийыште лукмо [85:5]; Туштен каласымаш 28:13).

⁷ Чын дене келшен толшо еҥ-влакын кумалмыштым веле Иегова колыштеш. Юмо тыйын кумалтыш мутетым колыштшо манын, тый тудын законжо почеш илаш уло кертмын чылам ышташ тыршышаш улат (Туштен каласымаш 15:29; 28:9). Тый вуйым савен кумалшаш улат (Лука 18:9—14). Мо нерген Юмо деч йодметым шукташ тыршышаш улат. Тыге тый ӱшаныметым да чынжымак мом шонен ойлыметым пеҥгыдемдет. Тунам гына Иегова кумалметлан вашмутым пуаш тӱҥалеш (Еврей-влак 11:6).