• Могай пеш кӱлешан увер Библийыште уло? (1)
• Кӧ тудын авторжо? (2)
• Молан Библийым шымлаш кӱлеш? (3)

¹ Библий — Юмын шергакан пӧлекше. Тудо шочшо-влаклан йӧратыше ачан серышже семын лиеш. Библийыште Юмо нерген чын ойлалтеш: кӧ тудо, могай тудын йодын шогымашыже. Тушто умылтаралтеш, кузе нелылыкым сеҥен лекташ, кузе чын пиалым муаш. Тышеч гына пален налаш лиеш, кузе Юмылан пелке лияш (1-ше Псалом 1:1—3; Исайын кнагаже 48:17, 18).

² Библийым, мемнан эра деч ончыч 1513-шо ий гыч тӱҥалын, 40 наре тӱрлӧ еҥ 1600 ий мучко возеныт. Библий 66 кнага гычын шога. Библийым возышо-влакым Юмо кумылаҥден. Нуно шкеныштын огыл, а тудын шонымашыжым возеныт. Сандене, Библийын авторжо айдеме огыл, а каваште илыше Юмо (2. Тимофей 3:16, 17; 2. Петырын 1:20, 21).

³ Библийым угыч чын возгален налышт да тудо аралалтын кодшо манын Юмо тыршен шоген. Библийым тынаре шуко печатлен лукмо, эсогыл тудо кеч-могай моло книга-влакын тиражшым ончылтен. Тыйын Библийым шымлыметлан чыланжак огыт йывырте, но нигӧланат мешаяш эрыкым ит пу. Торешланымашым ончыде Юмым пален налмаш да тудын кумылжым шуктен шогымаш, — тыйын мучашдыме ончыкылык илышетын негызше (Матвей 5:10—12; Иоанн 17:3).