• Молан Исус Юмын «эн ончыч шочшо» эрге манын лӱмдалтын? (1)
• Молан тудо «Мут» манын лӱмдалтын? (1)
• Молан Исус мланде ӱмбаке айдеме семын толын? (2—4)
• Молан тудо тӱрлӧ ӧрыктарымашым ыштылын? (5)
• Исус ончыкыжым мом ышта? (6)

¹ Мланде ӱмбак толмыжо деч ончыч Исус каваште илен да суксо лийын. Исус — Юмын эн ончыч ыштымыже, сандене тудо Юмын «эн ончыч шочшо» Эргыже манын лӱмдалтын (Колосян-влак 1:15; Почмаш 3:14). Исус Юмын ик эргыже гына, кудым тудо шке ыштен. Исусын айдеме лиймыже деч ончыч, Иегова тудым каваште да мланде ӱмбалне чылам ыштымыже годым, «уста полышкалыше» олмеш кучылтын (Туштен каласымаш 8:22—31, «Тенийсе кусарымаш»; Колосян-влак 1:16, 17). Тыгак Юмо тудым Шке тӱҥ представительже олмеш кучылтын. Теве молан Исус «Мут» маналтын (Иоанн 1:1—3; Почмаш 19:13).

² Юмо Шке Эргыжын илышыжым Мариян мӱшкырышкыжӧ кусарен, тудым мланде ӱмбаке колтен. Сандене Исусын айдеме ачаже лийын огыл. Теве молан тудо сулыкым да ситыдымашым налын огыл. Исусым Юмо мланде ӱмбаке теве мо верч колтен: 1) айдеме-влакым Юмо нерген чынлан туныкташ (Иоанн 18:37), 2) йӧршеш титакдымашым арален кодымыжо дене, мемналан тудын семын гай лияш примерым ончыктен (1. Петрын 2:21), 3) айдеме тукымым сулык да колымаш дечын утарашлан шке илышыжым надырлан пуэн. Молан тиде кӱлеш лийын? (Матвей 20:28).

³ Икымше айдеме Адамын Юмын кӱштымым колыштдымыжым Библийыште «сулык» маналтын. Сандене Юмо Адамлан колаш пунчалым луктын (Моисейын 1 кнагаже 3:17—19). Тудо тлетла Юмын йодын шогымо нормыжлан келшен толын огыл, садлан чыла шот денат йӧршеш сай лиймым чарнен. Эркын-эркын Адам шоҥгемын и колен. Сулыкшым тудо чыла шке икшывыже-влаклан пуэн. Теве молан меат шоҥгемына, черланена, колена. Кузе айдеме тукымым утараш лиеш ыле? (Римлян-влак 3:23; 5:12).

⁴ Исус, Адам семынак, чыла шот денат йӧршеш сай айдеме лийын. Но Адам дене таҥастарымаште, Исус эре, эн кугу нелылык годымат, Юмым колыштшо лийын. Сандене тудо шке йӧршеш сай айдеме илышыжым надырлан пуэн, Адамын сулыкшым тӱлен налын кертын. Тиде нерген Библийыште «тӱлен налмаш» семын ойлалтеш. Тыгела Адамын икшывыштын колымаш пунчалме дечын утаралташ йӧн лектын. Кӧ Исуслан ӱшана, чылаштынат сулыкышт кудалталт керталтыт, да тиде еҥ-влакын курымашлык илышлан йӧнышт лиеш (1. Тимофей 2:5, 6; Иоанн 3:16; Римлян-влак 5:18, 19).

Исусын служитлымашыже туныктымаште, ӧрыктарымашым ончыктымаште да шке илышыжым мемнан верч пуымаште лийын.

⁵ Мланде ӱмбалне илымыже годым, Исус черле-влакым паремдылын, шужышо-влакым пукшылын, тӱтан мардежлам лыпландарылын. Эсогыл тудо колышо-влакымат ылыжтарылын. Молан тудо ӧрыктарымаш-влакым ыштылын? 1) Тудо йӧсланыше айдеме-влакым чаманен да нунылан полшымыжо шуын. 2) Тудын ӧрыктарымашыже-влак Юмын Эрге улмыжым рашемденыт. 3) Нуно ончыктеныт, мом тудо мут колыштшо айдеме тукымлан ышта, кунам мланде ӱмбал дене кугыжанланаш тӱҥалеш (Матвей 14:14; Марк 2:10—12; Иоанн 5:28, 29).

⁶ Исус колен, Юмо гоч суксо семын ылыжтаралтын да кавашке пӧртылын (1. Петра 3:18). А варажым тудым Юмо Кугыжалан шогалтен. Вашке Исус мланде ӱмбачын чыла осалым да орланымашым кораҥда (Псалом 36:9—11; Туштен каласымаш 2:21, 22).