• Кушечын Сотана Ия лектын? (1, 2)
• Кузе Сотана айдеме-влакым ондалкала? (3—7)
• Молан мыланна Иялан ваштареш шогаш кӱлеш? (7)

¹ Кӧ весе нерген шыдын шойыштеш, тудо «Ия» мут дене лӱмдалтеш. «Сотана» — «тушман» але «ваштареш шогышо» манмым ончыкта. Тыгай лӱмлам Юмын тӱҥ тушманже нумалеш. Ончыч тудо чыла шот денат моткоч сай, Юмын пелен каваште илыше суксо лийын. Но вараже тудо шке нергенже утыж дене шуко шонаш тӱҥалын да чынже дене Юмылан гына лийшаш кумалмашым шканже налаш шонен пыштен (Матвей 4:8—10).

² Тиде суксо, Сотана кишке гоч Ева дене мутланаш тӱҥалын. Тудым ондален, Юмым колыштдымо лияш таратен. Тыге Сотана Юмын «озаланымашыжым» але чыла деч Кушылсӧ улмыжым, тушман семын критиковатлен ойлен. Сотана йодышым шынден: Юмо чын озалана да шке калыкшын кумылжым шотыш налеш мо? Тыгак Сотана ӱшаныдымашыш луктын: кеч ик айдеме Юмылан уло шӱм-чон дене ӱшанле улмыжым арален кода мо? Шкенжым тыге кучымыжо дене, Сотана Юмын тушманже лийын. Теве молан тудо Сотана Ия манын лӱмдалташ тӱҥалын (Моисейын 1 кнагаже 3:1—5; Иовын кнагаже 1:8—11; Почмаш 12:9).

³ Тудлан кумалышт манын, Сотана еҥ-влакым ондалаш тырша (2. Коринфян-влак 11:3, 14). Еҥ-влакым ондалкалаш тудын йӧнлаже гыч иктыже — юмылан шоя ӱшанымаш. Юмылан ӱшанымаш Юмо нерген шоялан туныкта гын, тудо Сотанан шонен пыштымашыжлан полша (Иоанн 8:44). Юмылан шоя ӱшанымашым кучен шогышо-влак уло чонышт дене чын Юмылан кумалыт манын шонен кертыт. Но чынже денак нуно Сотаналан служитлат. Тудо «тиде курымын юмыжо» (2. Коринфян-влак 4:4).

Юмылан шоя ӱшанымаш, спиритизм да наций кокла ойыркалымаш еҥ-влакым йоҥлышыш пуртат.

⁴ Еҥ-влакым шке кид йымакше налаш Сотанан вес йӧнжӧ — спиритизм, але осал шӱлыш-влак дене кыл кучымаш. Еҥ-влак шкеныштым аралашлан, вес еҥлан осалым ышташлан, ончыкылыкым каласен пуашлан да ӧрыктарымашым ыштылашлан осал шӱлыш-влакым ӱжыт. Чыла тидым ыштымаште осал вий — Сотана шога. Юмылан йӧршӧ лийнена гын, ме нигузеат осал шӱлыш-влак дене кылдалт шогышаш огынал (Моисейын 5 кнагаже 18:10—12; Апост. пашашт 19:18, 19).

⁵ Тылеч посна, Сотана уто национальный кугешнымашым тарватылын да политический организаций-влаклан кумалын шогаш таратылын, еҥ-влакым ондалкала. Южгунам еҥ-влак шке калыкыштым але расыштым моло деч сайрак улыт манын шотлат. Но тиде чын огыл (Апост. пашашт 10:34, 35). Тыгак айдеме тукымын нелылыкшым политический организаций-влак гына пытарат манын шонымаш уло. Тидлан ӱшаныше еҥ-влак Юмын Кугыжанышым шотыш огыт нал. Но айдеме тукымын азапшым Юмын Кугыжаныш гына кораҥда (Данилын кнагаже 2:44).

Иегова нерген палымашым умбакыжат налын шоген, Сотаналан торешлане.

⁶ Еҥ-влакым ондалкалаш Сотанан эше ик йӧнжӧ — сулыкым ышташлан алгаштарымаш. Сулыкым ыштен шогымо койыш кучымаш эҥгекым конда. Тидым Иегова пала да нунын деч мыланна утлаш шӱда (Галат-влак 6:7, 8). Сулыкым ыштен шогышо южо еҥже, очыни, тыйымат шкенышт деке, нунын семынак ышташ ушынешт. Но шарне, чынже денак тидым тый дечет Сотана вуча (1. Коринфян-влак 6:9, 10; 15:33).

⁷ Иегова дечын кораҥдашлан Сотана шыгыремдымаш да ваштареш шогымаш дене пайдаланен кертеш. Иктаж-кӧ лишылет-влак кокла гыч тыйын Библийым шымлыметлан чот шыдешкен кертеш. Весышт, очыни, тыйым койдараш тӱҥалыт. Но шке илышетлан тый кӧм тау ыштышаш улат? Иегова нерген пален налмашетым чарашлан, Сотана тыйым лӱдыктынеже. Сотаналан сеҥаш ит пу! (Матвей 10:34—39; 1. Петрын 5:8, 9). Иялан ваштареш шоген, тый Иеговам куандарет да Тудын озаланымашыже верч улметым ончыктет (Туштен каласымаш 27:11).