• Кӧ тыгай чын Юмо да кузе тудын лӱмжӧ? (1, 2)
• Могай тудын капше? (3)
• Могайрак улыт тудын эн тӱҥ койышыжо? (4)
• Тудлан кумалмаште юмоҥам да символ-влакым кучылташ кӱлеш мо? (5)
• Могай кок тӱрлӧ йӧн дене Юмо нерген шинчымашым налаш лиеш? (6)

¹ Калык-влак ятырлан кумалыт. Но ик ЧЫН Юмо гына уло манын Библийыште ойлалтеш. Каваште да мланде ӱмбалне мо улмым чыла тудо ыштен. Мыланна илышым тудак пуэн, сандене кумалашат Тудлан Иктылан веле кӱлеш (1. Коринфян-влак 8:5, 6; Почмаш 4:11).

² Юмын шуко титулжо уло, но лӱмжӧ икте гына. Юмын лӱмжӧ — ИЕГОВА. Шукыж годым Библийым кусарымаште шукыштыжо Юмын лӱмжым луктын шуэныт да, Господь и Юмо титул-влак дене вашталтеныт. Но эн ончыч возен лукмо Библийыште «Иегова» лӱм 7000 наре вашлиялтын! (Моисейын 2 кнагаже 3:14; Осийын кнагаже 12:5).

³ Иегован капше уло, но мемнан деч ойыртемалтше. «Юмо улеш шӱлыш»,— Библий воза (Иоанн 4:24). Шӱлыш — мемнан деч шукылан кӱкшӧ илыш. Ик айдемат нигунам Юмым ужын огыл. Иегова каваште ила, но чыла ужеш (Псалом 10:4,5; Иоанн 1:18). А мо тыгай святой шӱлыш? Тиде Юмо огыл. Тиде Юмын ыштен шогышо вийже (Псалом 103:30).

⁴ Библийыште Иегован уш-чонжо почын ончыкталтеш. Тудын тӱҥ койышыжо-влак ончыкталтыныт — йӧратымаш, чынлык, ушанлык, виянлык (Моисейын 5 кнагаже 32:4; Иовын кнагаже 12:13; Исайын кнагаже 40:26; 1. Иоаннын 4:8). Тыгак, Юмо алал кумылан, поро, титакнам мондаш ямде, суапле, кужу чытышан манын Библийыште ойлалтеш. Мемналанат, мутым колыштшо йоча-влак семын, тудын гайяк лияш тыршаш кӱлеш (Ефесян-влак 5:1,2).

Ме Юмо нерген тудын ыштымаш да Библий гоч пален налына.

⁵ Юмылан кумалме годым образым, тӱрлӧ сӱрет да моло символ-влакым кучылташ кӱлеш мо? Уке! (Моисейын 2 кнагаже 20:4,5). Тудлан гына кумалшаш улына манын, Иегова ойла. Шке чапшым Тудо нигӧ денат, нимо денат пайлаш огеш тӱҥал. Юмоҥа-влак мемналан полшен огыт керт (Псалом 113:12—16; Исайын кнагаже 42:8).

⁶ Кузе Юмым сайынрак пален налаш лиеш? Шуко йӧн гыч иктыже — чыла тудын ыштымыжым ончымаште да мом нунын ойлымыштым келгын шымлымаште. Юмын уш-акыл да кугу вий дене пайдаланымыжым тудын ыштымыже гоч ужына. Чыла ыштымашыштыже тудын йӧратымашыже коеш (Псалом 18:2—7; Римлян-влак 1:20). Юмо нерген пален налаш кокымышо йӧн — Библийым шымлымаш. Юмын могай улмыжым Библий гоч тудо шукырак ойла. Тыгак тушто тудо шке шонен пыштымашыжым да мемнан дечын тудлан мо кӱлешым увертара (Амосын кнагаже 3:7; 2. Тимофей 3:16,17).