• Молан Иегова мландым ыштен? (1, 2)
• Молан мланде кызыт рай огыл? (3)
• Осал еҥ-влак дене мо лиеш? (4)
• Ончыкыжым Исус черле-влаклан мом ышта? шоҥгемше-влаклан? колышо-влаклан? (5, 6)
• Ончыкысо сугынь-влакым налашлан мом ышташ кӱлеш? (7)

¹ Иегова мландым калыклан курымеш да пиалан илаш ыштен. Чыным ыштыше да куанышан айдеме тукым мланде ӱмбалне эреак илыже манын Тудо шонен (Псалом 113:24; Исайын кнагаже 45:18). Мланде нигунамат пытарыме огеш лий; тудо курымеш лиеш (Псалом 103:5; Екклесиастын кнагаже 1:4).

² Айдемым ыштымыже деч ончыч, Юмо мланде ӱмбалне верым ойырен налын, да тушто сылне райым ыштен. Тудым Едемысе сад манын лӱмден. Тушко тудо эн ончычсо пӧръеҥ ден ӱдырамашым — Адам дене Евам — верландарен. Нунын икшывышт лийышт да мланде мучко илаш верланышт манын Юмо шонен. Эркын-эркын айдеме-влак уло мландым райыш савыршаш улыт ыле (Моисейын 1 кнагаже 1:28; 2:8, 15).

Йомдарыме рай.

³ Юмын законжым лӱмынак пудыртен, Адам дене Ева сулыкым ыштеныт. Сандене Иегова нуным Едемысе сад гыч поктен луктын. Рай йомдарыме лийын (Моисейын 1 кнагаже 3:1—6, 23). Но мландым молан ыштымыжым Иегова монден огыл. Мландым тудо райышке савыраш сӧра, кушто еҥ-влак курымеш илаш тӱҥалыт. Кузе Юмо шке шонымашыжым шукта? (Псалом 36:29).

⁴ Мландын рай лийын шумыжо деч ончыч осал еҥ-влак тушеч кораҥдалтшаш улыт (Псалом 36:38). Тиде Армагеддонышто лиеш — осалым пытарыше Юмын сарыштыже. Вараже Сотана 1000 ийлан шинчырлен шогалтыме лиеш. Тыге мландылан эҥгекым ыштылше нигӧат огеш лий. Юмын калыкше гына илыше кодыт (Почмаш 16:14, 16; 20:1—3).

⁵ Тидын деч вара мланде ӱмбал дене 1000 ий Кугыжа Исус Кристос вуйлаташ тӱҥалеш (Почмаш 20:6). Эркын-эркын тудо еҥ-влакын ушышт да капышт гыч сулыкым кораҥда. Адам дене Ева сулыкым ыштымышт деч ончыч могай лийыныт, тугаяк еҥ-влак чыла шот денат моткоч сай лийыт. Тунам чер-влак, шоҥгылык да колымаш огеш лий. Черле-влак черышт деч утлат, шоҥго-влак угыч рвезе лийыт (Иовын кнагаже 33:25; Исайын кнагаже 33:24; Почмаш 21:3, 4).

⁶ Исусын Тӱжем ий жапыште Вуйлатымашыже годым Юмылан ӱшаныше еҥ-влак уло мландым райыш савырат (Лука 23:43). Тылеч посна, Юмо миллион дене колышо-влакым мланде ӱмбалне илашлан ылыжтара (Апостол-влакын пашашт 24:15). Тиде еҥ-влак Юмын йодын шогымашыжым шуктен шогаш тӱҥалыт гын, тунам мланде ӱмбалне курымеш илаш тӱҥалыт. Уке гын — йӧршешлан пытарыме лийыт (Иоанн 5:28, 29; Почмаш 20:11—15).

⁷ Эн тӱҥалтыш гычак Юмо мландылан мом шонен пыштен, тыгеак сайын чыла шукталтеш. Тыгай сугынь-влакым ончыкыжым тыйынат налмет шуэш мо? Тидлан умбакыжат Иегова нерген шинчымашым да тудын йодмыжым шуктен шогаш кӱлеш. Тыште тыланет лишыл улшо Кугыжаныш Залышке, Иегован Свидетельже-влакын погынымашышкышт коштмаш полша (Исайын кнагаже 11:9; Еврей-влак 10:24, 25).

Армагеддон деч вара мланде угыч рай лиеш.