• Могай вера да йӱла-влак йӧрдымӧ улыт? (1)
• Юмо — тиде Троица манмылан христиан-влаклан кӱлеш мо ӱшанаш? (2)
• Молан чын христиан-влак Роштом, Кугечым да шочмо-кечылам огыт пайремле? (3, 4)
• Колышо-влак илыше-влаклан эҥгекым конден кертыт мо? (5)
• Исус ыресеш колен мо? (6)
• Юмылан йӧрен шогаш мынярлан кӱлешан? (7)

Юмо Троица огыл.

¹ Чыла вера да йӱла-влакак йӧрдымӧ огыт ул. Но кудышт Юмылан шоя ӱшанымаш гыч лектыныт да библийын туныктымашыжлан келшен огыт тол, нуным Юмо огеш акле (Матвей 15:6).

² Троица. Иегова Троица, вес семынже кум уш-акыл ик Юмышто манмылан шотлалтеш мо? Уке! Иегова — Ача — «чын Юмо икте» веле (Иоанн 17:3; Марк 12:29). Исус — Тудын эн ончыч ыштыме, кидйымалныже улшо эргыже (1. Коринфян-влак 11:3). Ачаже Эргыже деч кугурак (Иоанн 14:28). Святой шӱлыш — Юмо огыл, а Тудын ыштыше вийже (Моисейын 1 кнагаже 1:2; Апост. пашашт 2:18).

Рошто да Кугече ожнысо юмылан шоя ӱшанымаш гыч лектыныт.

Колышо-влаклан кумалаш але нунын деч лӱдаш нимогай амалат уке.

³ Рошто да Кугече. Исус 25 декабрьыште шочын огыл. Тудо шочын 1 октябрь гутлаште — тугай жапыште, кунам кӱтӱчӧ-влак шке кӱтӱштым йӱдлан тӱжвалне кученыт (Лука 2:8—12). Исус нигунамат шке шочмо кечыжым пайремлаш христиан-влаклан шӱден огыл. Мӧҥгешла, тудо шке тунемшыже-влаклан колымыжо нерген курымеш шарнен илаш сугыньым пуэн (Лука 22:19, 20). Рошто да роштосо йӱла-влак ожнысо юмылан шоя ӱшанымашла гыч толын лектыныт. Тыге ойлаш чын лиеш кугече йӱла шотыштат, кушто муно да мераҥ тӱҥ ойыртем-влак улыт. Ожнысо христиан-влак Роштом да Кугечым пайремлен огытыл, кызытсе чын христиан-влакат тидым огыт ыште.

⁴ Шочмо кече-влак. Библийыште кок шочмо кече нерген гына ойлалтеш, кудыштым Иеговалан кумалмашым кучыдышо еҥ-влак пайремленыт (Моисейын 1 кнагаже 40:20—22; Марк 6:21, 22, 24—27). Ончычсо христиан-влак шочмо кечыштым пайремлен огытыл. Тиде йӱла ожнысо юмылан шоя ӱшанымаш гыч толын. Чын христиан-влак идалык мучко пӧлекым ыштен да ваш-ваш куанен кылым кучен илат.

⁵ Колышо-влак деч лӱдмаш. Колышо-влак нимом ыштен але шижын огыт керт. Ме нунылан полшен огына керт, а нунышт мыланна эҥгекым конден огыт керт (Псалом 145:4; Екклесиастын кнагаже 9:5, 10). Чон кола; колымеке тудо огеш иле (Иезекильын кнагаже 18:4). Но тыгеат лиялтеш, кунам демон манме осал суксо-влак шкеныштым колышо-влакын шӱлышышт олмеш ончыктылыт. Колышо-влак деч лӱдмаш да нунылан кумалаш таратыше йӱла-влак сай огытыл (Исаийын кнагаже 8:19).

⁶ Ырес. Исус ыресеш колен огыл. Тудо пырняш але меҥгеш колен. Греческий мут, кудо ятыр библийым кусарымаште «ырес» манын кусаралтеш, пырням веле ончыкта. «Ырес» символ ожнысо юмылан шоя ӱшанымаш гыч лектын шога. Ончычсо христиан-влакын кумалмашыштышт ырес лийын огыл, да нуно тудлан кумалын огытыл. Сандене шоналтыза: кумалмашыште ыресым кучылташ чын лиеш мо? (Моисейын 5 кнагаже 7:26; 1. Коринфян-влак 10:14).

⁷ Очыни, каласкален лекме вера да йӱла-влак кокла гыч иктаж могайжым пеш неле кодаш. Ала родо тукымет да йолташет-влак ончычсо вера-влакым вашталташ огеш кӱл манын, тыйым ӱшандараш тӧчат. Но еҥ-влаклан огыл, а Юмылан йӧрен шогаш утларак кӱлешан (Туштен каласымаш 29:25; Матвей 10:36, 37).