• Юмын йолташыже лияшлан мом ышташ? (1, 2)
• Кузе Юмылан шкем пайдалыкеш пуаш сӧраш? (1)
• Кунам тынеш пураш лиеш? (2)
• Юмылан ӱшанымашым арален кодашлан кушечын вийым налын шогаш? (3)

¹ Юмын йолташыже лияшлан библийысе чынлыкым сайын шымлен налаш (1. Тимофей 2:3, 4), мом пален налметлан ӱшанаш (Еврей-влак 11:6), сулыклам касарыкташ (Апост. пашашт 17:30, 31) да шке илымаш койшетым вашталташ кӱлеш (Апост. пашашт 3:19). Варажым Юмын йӧратымаш тыйым Юмылан шкендычым служитлаш пуаш кумылаҥдышаш. Тидыже лиеш, шке кумалмашыштет, Юмын кумылжым шуктен шогашлан шкендычым пуэт манын, тудлан ойлет (Матвей 16:24; 22:37).

² Шкендычым Юмылан пайдалыкеш пуаш сӧрымекет тынеш пураш кӱлеш (Матвей 28:19, 20). Тынеш пурымаш, тыйын шкендычым Иеговалан служитлаш пумет, чылалан пален налаш полша. Юмылан служитлаш ойым налаш ситышын ушым шындыше лияш кӱлеш, сандене, тыгай гына еҥ-влак тынеш пурен кертыт. Тынеш пурымо годым айдемын уло капше кӱчык жаплан вӱд йымалне лийшаш* (Маркын 1:9, 10; Апост. пашашт 8:36).

³ Шкендычым Иеговалан служитлаш пуаш сӧрымекет, тудо тыйын дечет шке пуымо мутет почеш илыметым вучаш тӱҥалеш (Псалом 49:14; Екклесиастын кнагаже 5:3, 4). Сотана тыйын Иеговалан служитлыметым чараш тыршаш тӱҥалеш (1. Петрын 5:8). Но Юмо дене кумалме гоч лишыл лий (Филипиец-влак 4:6, 7). Кажне кечын тудын Мутшым шымле (Псалом 1:1—3). Погынымаш деке чак шого (Еврей-влак 13:17). Тыге ыштен тый Юмылан ӱшанымашым арален кодашлан вийым налын шогаш тӱҥалат. Тыге курымешлан, Юмын тый дечет мом йодмыжым, чыла шуктен шоген кертат!

Шукырак аылен нылаш, але оксам тӱлыде мӧншыштыда Библиным шымчаш кумылда уло мо? Ӱлнӧ ончыктаымо адрескоклагыч иктыждене Иегован свидетеьже-влаклан возен колтыза. Адрес-влак

* Тынеш пураш ямдылалташлан «Курымешлык илышыш вӱден наҥгайыше шинчымаш» книгам але Сторожевой башньын Библий да трактат-влакым лукшо Обществыжын тидын гаяк вес публикацийым шымлен налаш темлалтеш.