• Молан ме чыла могырынат яндар лийшаш улына? (1)
• Юмылан кумалмаште яндар лиймашлыклан мо шотлалтеш? (2) койыш-шоктыш дене? (3) шонымашыште? (4) кап-кыл дене? (5)
• Могай уда ойлымаш деч кораҥын шогаш кӱлеш? (6)

¹ Иегова Юмо яндар да святой. Тудлан кумалше-влак кумалмаште, койыш шоктыш, да кап-кыл яндарлыкым, да тыгак яндарлыкым шонымашыште кучен шогышт манын, Тудо вучен шога (1. Петрын 1:16). Ме Юмын шинчаончылныжо яндар лийнена гын, кӱлын тыршышаш улына. Ме уда тӱняште илена. Тидын деч посна мыланна шкенан йоҥылыш койышна дене кучедалаш логалеш. Но ме вуйым пушаш огынал.

² Юмылан кумалмаште яндарлык. Ме Иеговалан служитлынена гын, мыланна Юмылан шоя ӱшанымашын йӱла-влакшым да туныктымашлажым кучен шогаш ок кӱл. Ме Юмылан шоя ӱшанымаш ден кыл кучымашым кӱрлшаш улына да нимо семынат тудлан полшышаш огынал (2. Коринфян-влак 6:14—18; Почмаш 18:4). Юмо нерген чыным пален налмеке, шоялан туныктышо еҥ-влак мемнам йоҥылыш лиймашыш инышт пурто манын, ме шекланышаш улына (2. Иоаннын 10, 11).

³ Койыш шоктыш яндарлык. Шканже ӱшаныше-влак шкеныштым эреак чын христиан семын кучышт манын Иегова шона (1. Петрын 2:12). Мом ме ыштена, тыгак шолып пашанамат, Тудо чыла ужеш (Еврей-влак 4:13). Йӧратымаш пеленысе лишыл кыл кучымашыште шотдымылыкым да тиде тӱнян моло уда койышыжым кучымашла деч мыланна кораҥын шогаш кӱлеш (1. Коринфян-влак 6:9—11).

⁴ Шонымашыште яндарлык. Ме шке ушыштына яндар шонымашым кучена гын, мемнан шкем кучымашнат тыгак яндар лиеш (Филиппиец-влак 4:8). Но ушышто осал шонымаш погынен гын, тунам паша лектышыжат начарак лийеш (Матвей 15:18—20). Мемнан ушлан эҥгекым конден кертше жапым веселан эртарымаш деч мыланна кораҥын шогаш кӱлеш. Юмын мутшым шымлен, ме шке ушнам яндар шонкалымаш дене темен кертына.

⁵ Кап-кыл яндарлык. Христиан-влак — Юмын представительышт улыт, сандене нунылан шке капыштым да вургемыштым яндарын кучаш кӱлеш. Шонданыш миен толмеке, тыгак кочмо деч да кочкышым ямдылыме деч ончычын кидым мушкаш кӱлеш. Мӧҥгыштӧ шотлан толшо канализаций уке гын, шкендычын тӱгӧ лекметым урен шындыман (Моисейын 5 кнагаже 23:12, 13). Кап-кылын арулыкшо — сай тазалыкын негызше. Христианинын пӧртшӧ кузе кӧргӧ гычын, тугак тӱжвал гыч ару да чатка лийшаш. Моло еҥ-влакын пӧртышт ден таҥастарымаште тудо эн сай койшаш.

⁶ Яндар йылме. Юмылан служитлыше-влак эре чыным ойлышаш улыт. Шояче-влак Юмын Кугыжанышыш огыт пуро. (Ефесян-влак 4:25; Почмаш 21:8). Христиан-влак шакше мутым огыт ойло. Уда мыскарам да намысдыме ойлымаш-влакым нуно огыт каласкале, да огыт колышт. Нуно шке яндар йылмышт дене пашаште, школышто йыр улшо еҥ-влак деч да тыгак кундемыштышт илыше-влак деч ойыртемалтыт (Ефесян-влак 4:29, 31; 5:3).

Юмылан служитлыше-влак чыла шотыштат ару лийшаш улыт.