• Юмылан мо уда улмым ме кузе шотлышаш улына? (1)
• Секс шотышто могай шкем-кучымаш йӧрдымо? (2)
• Христианинлан шоям ойлымаш деке кузе лияш? (3) вуйым пуэн модмаш деке? (3) шолыштмаш деке? (3) виешлымаш деке? (4) осал шӱлыш-влак дене кылым кучымаш деке? (5) аракам эре йӱмаш деке? (6)
• Уда паша-влак деч айдемылан кузе утлаш? (7)

¹ Юмылан служитлыше-влак порылыкым йӧратат. Но тугак нуно осалым ужмышудымашлан тунемшаш улыт (Псалом 96:10). Тугеже Юмын ужмышудымо пашаж деч кораҥаш кӱлеш. Могай деч?

² Яжарланымаш. Мужыраҥме деч ончычсо лишыллык, вате-марий кокласе ӱшандымылык, вольыкда, пӧръеҥ-влак дене яжарланымаш — тиде Юмын ваштареш кугун сулыкым ыштымаш (Моисейын 3 кнагаже 18:6; Римлян-влак 1:26, 27; 1. Коринфян-влак 6:9, 10). Коктын мужыраҥме деч посна илат гын, але ойырлаш, але мужыраҥмаш нерген возалташ чын лиеш (Еврей-влак 13:4).

Аракам эре йӱмашым шолыштмашым, вуйым пуэн модмашым, ӧкымлымашым Юмын ужмыжо огеш шу.

³ Шояк, вуйым пуэн модмаш, шолыштмаш. Иегова Юмо нигунамат ок шойышт (Тит 1:2). Кӧ тудын кумылжым савырнеже гын, нуно шойыштшаш огытыл (Туштен каласымаш 6:16—19; Колоссян-влак 3:9, 10). Чыла вуйым пуэн модмаш-влак сутланымашым таратат. Сандене христиан-влак нимогай вуйым пуэн модмаш дене, лиеш тудо лоторей, имне дене ӱчашен кудалыштмаш, бинго — огыт мод (Ефесян-влак 5:3—5). Тыгак христиан-влак огыт шолышт. Нуно пален налме шолыштмо сатум да еҥ ӱзгарым йодде огыт нал (Моисейын 2 кнагаже 20:15; Ефесян-влак 4:28).

⁴ Шыдешкен каймаш, ӧкымлымаш. Кучаш лийдыме шыдешкымаш ӧкымлымашым таратен кертеш (Моисейын 1 кнагаже 4:5—8). Ӧкымлымашым ыштыше Юмылан йолташ лийын огеш керт (Псалом 10:5; Туштен каласымаш 22:24, 25). Ӱчым шукташ але моло-влакын мемналан осалым ыштымашыштлан осал дене тӱлаш, йоҥылыш лиеш (Туштен каласымаш 24:29; Римлян-влак 12:17—21).

⁵ Юзылык да осал шӱлыш-влак дене кылым кучымаш. Южо еҥышт черым паремдаш шонен, шӱлыш-влакын вийышт дене пайдаланат. Весышт шке тушманышт ӱмбак, черланышт але колышт манын, локтымашым колтылыт. Чыла тиде пашам ыштымаш шеҥгелне Сотанан вийже шога. Сандене христиан-влак нигузеат тидым ыштышаш огытыл. (Моисейын 5 кнагаже 18:9—13). Мемнан ваштареш вес еҥ-влакын юзыкланымышт деч эн сай аралалтмаш — Иегова дене чак кыл кучымаш (Туштен каласымаш 18:10).

⁶ Аракам эре йӱмаш. Изиш аракам, пивым але вес руштыктарыше напиток-влакым йӱмаште нимогай йоҥылыш уке (Псалом 103:15; 1. Тимофей 5:23). Но шуко йӱаш да эре йӱмаш Юмын шинчаончылно — йоҥылыш (1. Коринфян-влак 5:11—13; 1. Тимофей 3:8). Аракам утыж дене йӱмаш тазалыкым начаремден да ешым шалатен кертеш. Тидын деч посна аракам утыж ден йӱшӧ айдеме куштылгын вес алгаштаралтмашыш логалын кертеш (Туштен каласымаш 23:20, 21, 29—35).

⁷ Юмылан келшыдыме паша-влакым ыштылше еҥ-влак «Юмын Кугыжаныш огыт логал» (Галат-влак 5:19—21). Тый Юмым чынже денак йӧратет да тудлан келшынет гын, тыгай паша-влак деч утлен кертат (1. Иоаннын 5:3). Юмын шинчаончылныжо мо уда, тудымак ужмышудымо лияш тунем (Римлян-влак 12:9). Юмылан келшыше койышым вияҥдыше еҥ-влак дене кылым кучо (Туштен каласымаш 13:20). Ушым шындыше христианлыксе йолташ-влак полышым пуэн кертыт (Иаков 5:14). Эн утларакшым Юмылан кумалын, Тудын полышланже ӱшане (Филиппиец-влак 4:6, 7, 13).